Glo Man

Clwb Pel Rwyd Dyffryn Aman

2012-02-15T09:57:00.000Z

Yn ddiweddar aethpwyd â 10 aelod o dîm pêl-rwyd Dyffryn Aman i lawr i Abertawe i Sglefrio Iâ. Cafodd y merched amser wrth eu bodd wrth fwynhau ar yr iâ, yn ogystal â chael amser da yn y ffair hefyd. Hyfryd oedd clywed cymaint o Gymraeg gan y merched gan gynnwys ambell gan ar y bws mini ar y ffordd adref! Hoffai’r merched ddiolch yn fawr iawn i Chantelle am eu hyfforddi dros y tymor, a phob lwc iddi yn y dyfodol. Edrychwn ymlaen at eich gweld yn y flwyddyn newydd

CYNLLUNIAU CHWARAE ‘HWYL A SBRI’ HANNER TYMOR - £10 yn unig!!

2012-02-15T09:54:00.002Z

Y mae Menter Bro Dinefwr yn rhedeg Cynllun Chwarae adeg hanner tymor eleni yn Rhydaman.

Bydd Clwb ‘Hwyl a Sbri'r Aman’ yn llawn o weithgareddau ac yn cael ei gynnal rhwng 9.00am a 5.00pm drwy gydol hanner tymor 13 Chwefror - 17 Chwefror 2012 yn Neuadd Gelli Manwydd, Rhydaman. Bydd y Clwb, a fydd yn cael ei redeg drwy gyfrwng y Gymraeg yn agored i blant 8-12 oed. Oherwydd mai nifer cyfyngedig o lefydd sydd ar gael, mae’n bwysig archebu lle ar gyfer eich plentyn yn fuan i osgoi siom.

Bydd y Clwb yn cynnig cyfleoedd chwarae diogel a gofal plant proffesiynol a chynigir gweithgareddau megis celf a chrefft, chwaraeon, gemau, drama, coginio etc. Bydd y cyfan o dan oruchwyliaeth staff cymwysedig a fydd wedi cael gwyriad manwl gan y Biwro Cofnodion Troseddol (CRB). Cost ddyddiol y Cynllun fydd £10.00 y plentyn a disgwylir i blant ddod â phecyn bwyd eu hunain ar gyfer cinio.

Os oes gennych gwestiynau pellach cysylltwch â Lynette Thomas ym Menter Bro Dinefwr ar (01558) 825336.

EISTEDDFOD CYNGOR TREF RHYDAMAN 2012

2012-02-11T10:42:00.000Z

Cafwyd Eisteddfod lwyddiannus iawn dan nawdd Cyngor Tref Rhydaman a chynhaliwyd yr achlysur arbennig hwn yn Theatr y Glowyr, Heol y Gwynt, Rhydaman, ar ddydd Sadwrn yr 21^aino Ionawr. O’r cychwyn yr oedd y Theatr dan ei sang a braf oedd gweld cynifer o gystadleuwyr dawnus wedi dod ynghyd.

Y Beirniaid oedd Eric Jones, Pontarddulais ar y Gerddoriaeth gyda Ivoreen Williams, Capel Hendre yn beirniadu’r adrodd. Glynog Davies, Brynaman oedd y Beirniad Dawnsio a chyfeilydd y dydd oedd Meirion Wynn Jones, Caerfyrddin.

Yr Arweinyddion oedd Mair Wyn a Mel Morgan.

Llywydd y Dydd oedd Maeres Rhydaman, y Cynghorwr Irena Hopkins, a rhoddodd araith bwrpasol iawn cyn i’r cystadlu gychwyn a dymunodd bob hwyl i’r holl blant, pobl ifainc ac oedolion a fyddai’n cymeryd rhan yn ystod y dydd.

Yr Ysgrifenyddes a’r Drysoryddes oedd Mirian E. Phillips, Clerc Tref Rhydaman.

Dyma restr yr enillwyr:-

Cerddoriaeth

Unawd dan 6 oed - Iwan Rhys Bryer, Llanarthne

Unawd dan 8 oed - Megan Fflur Bryer, Llanarthne

Unawd dan 10 oed - Emma Evans, Llannon, Llanelli

Unawd dan 13 oed - Georgia Mills, Ysgol Dyffryn Aman

Unawd unrhyw offeryn Cerdd dan 13 oed - Beca Erin Thomas, Foelgastell, Cefneithin

Unawd dan 18 oed - Caryl Lewis, Maenclochog

Alaw Werin dan 18 oed - Elen Fflur Davies, Ffairfach, Llandeilo

Canu Emyn dan 18 oed - Caryl Lewis, Maenclochog

Unawd unrhyw offeryn Cerdd dan 18 oed - Caryl Lewis, Maenclochog

Cenwch im yr Hen Ganiadau - Helen Pugh, Ffairfach, Llandeilo

Her Unawd - Jennifer Parry, Aberhonddu

Dawnsio

Enillwyd yr holl gystadleuthau dawnsio gan unigolion a grwpiau o Adran Penrhyd ac Aelwyd Penrhyd gyda chlod uchel.

Adrodd

Adrodd dan 6 oed - Iwan Rhys Bryer, Llanarthne

Adrodd dan 8 oed - Megan Fflur Bryer, Llanarthne

Adrodd dan 10 oed - Sophie Jones, Pontsenni

Adrodd dan 13 oed - Awen Lewis, Abercraf

Adrodd dan 18 oed - Caryl Lewis, Maenclochog

Adrodd dan 30 oed - Caryl Lewis, Maenclochog

Darllen o’r Ysgrythur - Bethan Griffiths, Llanfynydd

Her Adroddiad - Joy Parry, Gorslas, Cross Hands.

Diolch i bawb a gefnogodd yr Eisteddfod eleni ac i bob un a gyfranodd mewn unrhyw fodd. Hyfryd oedd gweld y swyddogion yn gwneud eu gwaith mor fendigedig ac yn rhoi pob chwarae teg i’r cystadleuwyr a ddaeth o bell ac agos o lefydd megis Aberhonddu, Maenclochog, Llanfynydd, Alltwalis, Gorslas, Llannon, Llanelli, Abercraf, Pontsenni, Llanarthne, Caerfyrddin, Llandybie ac hefyd Foelgastell a Chefneithin. Diolchwn am y gefnogaeth a gawsom gan ysgolion y cylch sef Ysgol Bro Banw, Ysgol Parcyrhun ac Ysgol Dyffryn Aman. Hyfryd oedd clywed y Beirniaid yn datgan eu clod aruchel i’r holl gystadleuwyr. Yn olaf, carwn ddiolch i staff Theatr y Glowyr am bob cefnogaeth a gawsom ganddynt yn ystod y dydd. Gwerthfawrogwn hyn yn fawr iawn.

Edrychwn ymlaen am Eisteddfod yr un mor llwyddiannus yn 2013.

Gwasanaethau undebol Eglwysi Llandybie

2012-02-09T18:49:00.000Z

Ar Ddydd Calan, sef y Sul cyntaf a’r flwyddyn da oedd gweld cymaint o aelodau eglwysi a chapeli Llandybie wedi dod ynghyd ar gychwyn y flwyddyn newydd i gyd-addoli yng nghapel Gosen.

Dechreuwyd yr arfer o gyd-addoli ar y Sul cyntaf o’r flwyddyn ym mlwyddyn y Mileniwm ac mae’r gwasanaeth yn cylchdroi rhwng Gosen, Sion ac Eglwys Santes Tybie.

Rhoddodd y Parchedig Mrs Anne Howells, Ficer Llandybie araith bwrpasol a gafaelgar. Yn y gwasanaeth ddwyieithog cymerwyd at y rhannau arweiniol gan wahanol aelodau o’r eglwysi.

Gwnaethpwyd casgliad o £140 tuag at Gymorth Cristnogol.

Amrywiaeth Nadolig

2012-02-09T18:47:00.000Z

Ar nos Wener, 16 Rhagfyr yn Neuadd Goffa Llandybie cynhaliodd Côr Meibion Llandybie eu Cyngerdd Blynyddol gyda Chôr Merched Tybie o dan arweiniad Mrs Desna Pemberton. Fe gyflwynwyd nifer o garolau newydd a thraddodiadol. O bryd i’w gilydd fe ddaeth cyfle i’r gynulleidfa i ymuno gyda’r corau o dan arweiniad Mr Alun Bowen, Cyfarwyddwr Cerddorol Côr Meibion Llandybie. Llwyddodd y gynulleidfa a’r corau i ganu ‘Deuddeg Diwrnod y Nadolig’ gydag brwdfrydedd a theimlad!Roedd yn noswaith ysgafn a llwyr mwynhad.

Cyflwynwyd nifer o eitemau unigol gyda Rhys Jones a Frances Morgan yn canu a’r meistri Emyr Rees, Vivian Owen a David Murfin yn canu caneuon plygeiniol. Bu hefyd nifer o ddarlleniadau pwrpasol a doniol gan Mr Tom Jones, Llywydd y Côr Meibion, Mrs Judith Nicholas, Mrs Ann Rees a Mrs Debbie Elias.

Yn ystod yr egwyl bu aelodau o’r Côr Meibion, gyda hetiau Siôn Corn ar eu pennau yn gweini mins peis a diod Nadoligaidd.

THE IRON LADY

2012-02-06T19:50:00.000Z

Mae sylw mawr wedi bod ym myd y ffilmiau yn ddiweddar at y ffilm fawr The Iron Lady gyda Meryl Streep yn serennu! Ond o ddyffryn y glo y daw yr actors sy’n portreadu’r Thatcher ifanc a hynny gan Alex Roach o Rydaman. Yn gynddisgybl o Ysgol Dyffryn Aman, cafodd Alex sylw cynnar ar Bobol y Cwm gan ennill gwobr am yr actores ifanc ddrwg orau yn Adloniant pobl ifanc. Teithiodd gyda Theatr Ieuenctid Cenedlaethol Cymru cyn dechrau yn RADA, lle graddiodd yn 2010. Ers hynny, mae’i gyrfa fel actores wedi mynd o nerth i nerth.

Mae’n braf cael llawenhau yn llwyddiant merch hyfryd a phob lwc i ti Alex!

Mr. X

2012-01-19T17:26:00.000Z

Yn ystod yr wythnosau olaf mae Eglwysi Annibynnol Moreia, Tycroes, Gellimanwydd a’r Gwynfryn, Rhydaman wedi bod yn brysur nid yn unig yn llenwi bocsys sgidiau ‘Operation Christmas Child’ ond hefyd yn cefnogi Mr. X., ymgyrch i rhoi anrhegion i blant yn ein rhan ni o’r byd na fydd yn derbyn anrhegion yn ystod cyfnod y Nadolig. Ar Nos Iau, Rhagfyr 8fed derbyniodd Joanna Thomas, o wasanaethau Dinefwr a’r cylch, rhoddion yr eglwysi a nodir uchod tuag at ymgyrch Mr. X.

Côr Merched Lleisiau’r Cwm

2012-01-18T19:07:00.000Z

Yr oedd nos Sadwrn, Rhagfyr 17eg, 2011, yn noson i’w chofio yn y Cwm am fod y Côr yn dathlu eu Pymtheg Mlwyddiant trwy gynnal eu Cyngerdd Flynyddol yng Nghapel Bethel Newydd, y Garnant, dan arweinyddiaeth Catrin Hughes gyda Christopher Davies yn cyfeilio ac Aled Richards, (cyn-ddrymiwr Catatonia) yn cynorthwyo ar yr offerynau taro. Cawsant gefnogaeth ganmoladwy gan Gôr Meibion Dyffryn Aman o dan arweinyddiaeth Ian Llywelyn gyda Berian Lewis yn cyfeilio. Bu Côr Merched Cantata, gyda Catrin Hughes yn arwain a Christopher Davies yn cyfeilio hefyd yn cynorthwyo, a Chôr Iau Ysgol y Strade gyda Christopher Davies yn arwain a Catrin Hughes yn cyfeilio. Wedyn cawsom Ensemble Pres Gwaun Cae Gurwen a Nest Jenkins y Delynores ifanc, deuddeng mlwydd oed a ddaeth atom o Ledrod, Aberystwyth. Cyflwynydd y noson oedd Heddyr Gregory, ein Llywydd, sy’n gweithio yn y Cyfryngau ac yn Llywyddu inni ymhob Cyngerdd. ‘Roedd y rhaglen o’r safon flaenaf a’r gymeradwyaeth yn dangos bod pawb wrth eu bodd. Cyflwynwyd elw’r noson i gynrychiolwyr Alzheimers, achos teg iawn, ac fe gafwyd un o Drefnyddion y Cwmni i ddweud gair ynghanol y Gyngerdd. Mae’r elw ar hyn o bryd bron yn £1,800, a’r arian yn dal i ddod mewn.

Ar ôl y Gyngerdd, paratowyd gwledd gan Jackie, ffrind agos i’r Côr Merched yng Nghlwb yr Aman ac yr oedd y cyri yn fendigedig, a phawb wedi mwynhau maes draw. Yr ydym yn ddyledus i Swyddogion Bethel Newydd am gael y caniatad i gynnal y Gyngerdd yn eu Capel, ac hefyd i’r holl Artistiaid a’n cynorthwyodd. Hefyd carwn ddiolch i Ronald, Dafydd a Keith am fod yn gyfrifol am dderbyn yr holl docynnau a’r arian yng nghyntedd y Capel ac hefyd i Jackie am wneud yr ymborth, ac i Elinor a’r Swyddogion yng Nghlwb yr Aman am agor y drysau inni unwaith yn rhagor. Dyma beth oedd noson fythgofiadwy yn wir a diolchwn am bob cefnogaeth a gawsom i gynnal ein cyngerdd flynyddol unwaith yn rhagor. Mae’r Côr yn gwerthfawrogi’n fawr iawn y gefnogaeth a gawsom

Y Blygain yn Hen Fethel

2012-01-18T19:05:00.002Z

Daeth y llu arferol ynghyd i ddathlu’r Blygain yn Hen Fethel am 6.30 am ar Fore Nadolig, fel y gwnaethant am bron i ddwy ganrif a hanner yng ngwir ysbryd yr Ŵyl. Cafwyd naws arbennig yng ngolau’r canhwyllau gyda phawb a ddymunai yn cyfrannu gyda gweddïau, darlleniadau, barddoniaeth ac ar gân.

Diolchodd Linden Evans, yr Arweinydd, i’r rhai a fu’n brysur er mwyn gwneud yr achlysur hwn yn bosib eleni eto, ac yn bennaf i Emyr Jenkins a’i gynorthwywyr, a dreuliasant oriau lawer yn atgyweirio’r hen gapel, a chryfhau’r tô a’r walydd mewn mannau. Yna buont yn ei wyngalchu nes iddo ymddangos i bawb ohonom yn y cwm fel y “llygad wen yn nhalcen y mynydd” a ddisgrifiwyd yng ngherdd Bryan Martin Davies i’r Hen Fethel. Gwnaeth Huw Jenkins gynnau’r tânau eto eleni i gynhesu’r Capel, bu Dafydd Wyn yng ngofal tywys y ceir drwy’r fynwent, a rhoddwyd y glo yn ôl eu harfer gan y Brodyr Thomas a’r coed tân gan T.Richard Jones.

Diolchodd Linden Evans i Emyr Jenkins a’i gefnogwyr am sicrhau dyfodol y Blygain yn yr Hen Fethel drwy ffurfio Pwyllgor o Gyfeillion Hen Fethel i’w rhedeg. Gobeithiant greu Ymddiriedolaeth Gyhoeddus eleni i ysgwyddo’r baich a gludwyd dros y blynyddoedd gan ddiaconiaid Bethel Newydd. Mae Cyngor Cwmaman yn gefnogol iawn i’r fenter hon ac os ydych yn fodlon ystyried bod ar y Pwyllgor, plis rhowch wybod i David Davies, Clerc y Cyngor, drwy ei ffônio ar 07971 026493 neu ei e-bostio ar daidoc@yahoo.co.uk ac yna cewch wahoddiad personol i gyfarfod nesaf “Cyfeillion Hen Fethel”. Gallwch hefyd ddangos eich cefnogaeth i’r project o adnewyddu’r adeilad a fotio dros cael grantiau arianol I hybu’r gwaith trwy e-bostio http.communityforce.natwest.com/project/2129.

Hen Fethel

2012-01-14T06:34:00.000Z

Rwyt ti’n nythu yn dy ddu a gwyn

ar gangen gnotiog y mynydd

pioden o gapel

plu dy lechi a’th gerrig

weithiau’n fflachio dan haul

ac adenydd mynor y beddfeini o’th amgylch

wedi’u plygu’n dynn wrth d’ochr…

Bryan Martin Davies

Teigerod Tywi

2012-01-03T12:29:00.000Z

Dyma tair seren o dim hoci "Teigrod Tywi" a maent i gyd yn dod o Landybie!

Chwith i'r dde: Emily Williams, Ffion Lewis,
Gwenno Davies.

Mewn noson wobrwyo llynedd Ffion oedd chwaraewraig y flwyddyn, Emily oedd wedi datblygu fwyaf a Gwenno oedd wedi rhoi amser a gweithio fwyaf dros y clwb.

Mae'r dair yn para i chwarae dros a chefnogi y "Teigrod" ac mor belled wedi cael dechrau llwyddiannus iawn i'r tymor.

'Stafell Fyw Caerdydd

2012-01-03T12:16:00.000Z

Tamara Puw (Trysorydd), W.E.O., Thelma Jones (Cadeirydd), Fred Davies (Ysgrifennydd).

Yn ddiweddar dan nawdd Cyngor Eglwysi Rhyddion Brynaman, daeth y Bnr. Wynfford Elis Owen i siarad am brosiect 'Stafell Fyw Caerdydd, sef y Ganolfan er mwyn adfer or-ddibyniaeth ar alcohol, cyffuriau (ac ymddygiad caethiwus arall) a agorwyd yn ddiweddar yn Heol Richmond, Caerdydd.

Profiad arbennig i'r rhai oedd yno oedd clywed am ei frwydyr ef ei hunan yn erbyn yr union ffactorau a'i edmygu am iddo lwyddo i'w dynnu ei hunan yn ol o ymyl y pydew dwfn hwnnw gan agor y drws i fywyd newydd a chychwyn ar y gwaith o geisio helpu eraill i wneud yr un peth.
Ar ddiwedd y noson cyflwynwyd siec iddo fel cyfraniad at waith y 'Stafell Fyw.

Merched y Wawr - Cwis Cenedlaethol

2012-01-01T14:55:00.000Z

Fel arfer, aeth criw bychan o aelodau i gynrychioli cangen Merched y Wawr Brynaman yn y Cwis Cenedlaethol, Mis Tachwedd. Cynhaliwyd cystadleuaeth Rhanbarth Gorllewin Morgannwg^, yn Swit Lewis Jones yng Ngorseinon. Roedd 15 tim yn cymryd rhan ac fe wnaeth Tim y Gwter Fawr yn dda iawn, gan ennill y wobr gyntaf, drwy sgorio 72 allan o 80. Yn ogystal, daeth newyddion ychwanegol eu bod wedi dod yn ail yn genedlaethol - 1 mare yn unig yn llai na'r buddugwyr, sef tim Penrhosgarnedd. Cyhoeddwyd hyn ar Radio Cymru yn hwyrach ar noson y cwis

2011-12-31T10:37:00.002Z

Yn ddiweddar yng ngwesty'r Mountain Gate yng Nhycroes cynhaliwyd noson i anrhydeddu ac i anrhegu Jean Huw Jones am ei gwasanaeth enfawr i'r gymuned leol ac i Gymru gyfan mewn gwahanol feysydd. Cafwyd geiriau o werthfawrogiad i Jean yn rhifyn Hydref o'r Glo Man felly does dim eisiau ailadrodd yr hyn sydd eisoes wedi ei ddweud ond rhoi tipyn o hanes y noson.

Daeth dros 90 o bobl ynghyd, rhai yn bobl leol ac eraill wedi teithio cryn bellder – yn adlewyrchiad o ddiddordebau eang Jean. Cafwyd noson fendigedig a chyfle i fwynhau pryd o fwyd hyfryd yng nghwmni ffrindiau. Wedi'r gwledda, a geiriau o deyrnged, cyflwynwyd plac o lechen ac arno englyn o waith y Prifardd Robat Powell wedi ei gerfio gan Ieuan Rhys i Jean.

Gwylio mae hon y glo man - yn y cwm
A'r rhai caeth wrth bentan.
Ac a'n serch fe wisgwn Sian
Yma, rhwng breichiau'r Aman.

Gan bod yna dri prifardd yn bresennol nid syndod oedd i ddarn arall o farddoniaeth gael ei gyflwyno hefyd ond nid yn unig i Jean y tro hwn ond iddi hi a'r un a fu'n gefn iddi dros y blynyddoedd, sef ei gwr Huw. Mae'r darn yn waith un a fu'n ffrind iddynt dros gyfnod maith ac a oedd yn adnabod y ddau i'r dim, fel sy'n amlwg iawn yn y ^geiriau, sef y Prifardd John Gwilym Jones.

Jean a Huw

Mae dihareb yn dweud na welwch chin unman

Anrhydedd i broffwyd gan ei bobol e'i hunan,
ond mae heno yn eithriad, pan roddir i Jean
anrhydedd a chlod gan ei hardal ei hun.

Mewn capel a neuadd, mae'n llanw ei Ile.

mewn pwyllgor, ar lwyfan, o'r Gogledd i'r De;
i fyd y ddawns werin rhoes dalent a dawn,
a pherlau'i darlithiau yn lliwgar a llawn.

Mae'i hegni yn dala, a gran ar ei gwaith,
ac fe sticith hon 'da chi hyd derfyn pob taith,
mae'n hael ei gwasanaeth i'r Betws a'r byd,
ple gwelwyd ei thebyg drwy Gymru i gyd?

Ond fe garwn ddweud gair bach cyn tewi â 'nghan,

mae 'na un peth yn extra yn perthyn i Sian:
tu ôl i bob menyw fe welwch chi ddyn
nad yw am gael spotlight byth arno fe'i hun.

Mae Sian yn arbennig o ffodus o'i gwr

sy'n gweithio'n y dirgel yn hollol ddi-stwr;
beth bynnag y panic a wynebai ei wraig,
ynghanol pob helbul roedd Huw fel y graig.

Wrth fynd tua'r 'Steddfod bob blwyddyn roedd Huw

yn gweu drwy'r holl draffic fel sant wrth y llyw,
fe gariai fwy lawer o wisgoedd o hyd
na bois Marks and Spencer's drwy'u bywyd i gyd.

Pan fyddai'r Archdderwydd fel ceiliog yn grac
tawelai Huw'r storom a'i wen yn y bac;
ac os yw Mountbatten yn cerdded 'da'r Cwin,
mae gwell boi na'r Diwc yn gofalu am Jean.

Diolch i Jean am ein cadw mewn trefen,

ond diolch i Huw am fod iddi yn gefen;
os mai hi oedd yn amlwg, erbyn diwedd y gân,
os bu'n Feistres y Gwisgoedd, mae na fishtir ar Sian

SYNDOD YR ARWEINYDDES. - Cor Rhydaman

2011-11-26T09:33:00.000Z

Achlysur hapus oedd parti penblwydd Mrs. Indeg Thomas, arweinyddes Côr Cymysg Rhydaman. Bu'r côr yn trefnu'r noson yn dawel a chyfrinachol, heb yn wybod i'w harweinydd, a'r rhyfeddod oedd iddynt lwyddo. Credech chi byth? Roedd teulu Indeg hefyd yn rhan o'r cynllun, a dim and wrth ddrws y Neuadd Fwyta yng Nganolfan Aman, er mawr syndod iddi y datgelwyd y gyfrinach. Roedd y gwesteion yn barod wrth y byrddau, aelodau Côr Meibion Llandybie ar y llwyfan, wedi dod ynghyd i dalu teyrnged i'w cyn-arweinydd, a phawb yn barod i ddymuno Penblwydd Hapus iddi .Wedi i'r Côr Meibion, o dan arweiniad Alun Bowen ac i gyfeiliant Jonathan Rio ganu eu cyfraniad nhw i'r noson, cafwyd gwledd flasus o dan ofal Doreen Watts.
Ac yna, disgwyliad annisgwyl arall! Yn ddisymwyth, daeth rhai o staff S4C ac Alwyn Humphreys_, yn cario tusw o flodau a phlat Halen y Ddaear._, at Indeg a'i syfrdanu ymhellach. Druan ohonni! Wedi hyn, bu parti o Perched o'r côr yn canu penillion wedi eu cyfansoddi'n arbennig i'r achlysur. Derbyniodd dlws aur, anrheg wrth y côr fel gwerthfawrogiad o'i gwaith a'i hamynedd, a'i dawn i lywio a pharatoi cyngherddau safonol. Ar ran Indeg a'r teulu, mynegodd Jonathan, mab Indeg eu gwerthfawrogiad am noson arbennig iawn. Mae yna bwyllgor adloniant yn y côr sy'n trefnu nosweithiau o adloniant fel hon, a mawr yw ein dyled iddynt am ei gwaith manwl.

Ond a fu Côr Rhydaman yn canu o gwbl? Yn anffodus, amhosib fu i'r côr ymarfer dim byd, oherwydd doedd dim cyfle i ymarfer yn yr awyrgylch gyfrinachol. Felly, trefnwyd iddynt ddod ynghyd cyn diwedd y noson, a rhoi arweiniad i'r gynulleidfa i ganu caneuon ac emynau adnabyddus, gyda Olwen Richards wrth. y Ilyw, a Sally Arthur wrth y piano. Cyn troi am adref, gofynnwyd i Indeg arwain 0 Fel Mae'n Dda Gen i Nghartref.

Yn ô1 Indeg, mae hi'n cofio byd heddiw, ac yn debyg o gofio am byth boll gyffro'r penblwydd yma.

Medal Gee

2011-11-26T00:02:00.000Z

Unwaith yn rhagor fe fu dydd i’w gofio i aelodau Capel y Tabernacl, Glanaman pan anrhydeddwyd Mrs. Mefus Williams, Y Gelli, gyda medal Mr. a Mrs.Thomas Gee am ei ffyddlondeb i’r Ysgol Sul a’i Chapel yng Nghapel Seion Newydd, Treforus ar ddydd Iau, Medi 29, 2011. Mae Mefus yn cofio mynd gyda’i mam a’i thad, pan yn ferch fach i Gapel Llanllian, Maesybont ac wedyn ar ôl priodi, i Gapel y Tabernacl, Glanaman. Bu’n ffyddlon iawn i’w chapel dros y blynyddoedd a braf oedd ei gweld yn cael ei hanrhydeddu gyda’r fedal bwysig yma.

Mae’n glod mawr i’r ardal bod dwy o ffyddloniaid Capel y Tabernacl wedi cael y fath glod am iddynt, am dros saith deg o flynyddoedd, fynychu a gwneud eu gorau glas i’r Cysegr. Dymunwn bob hwyl iddynt i’r dyfodol, a bendith Duw a fo arnynt am sawl blwyddyn arall.

Anrhydedd y Fedal Gee

2011-11-26T00:01:00.000Z

Ar ddydd Iau, Medi 29, 2011 yng Nghapel Seion Newydd, Treforus, anrhydeddwyd Mrs. Dilys Richards, Capel y Tabernacl, Glanaman a medal Mr.a Mrs.Thomas Gee am ei ffyddlondeb ers yn naw mlwydd oed yn mynychu’r Ysgol Sul a’r Capel. Ar hyd y blynyddoedd bu’n Athrawes Ysgol Sul, Llywydd, Ysgrifenyddes a Thrysoryddes Pwyllgor Eglwysi Rhyddion adran Rhydaman, ac mae’n dal i fod yn weithgar tuhwnt ar ran y Capel. Fe fyddai tatcu Dilys sef y diweddar Ifan Llewellyn, yn falch iawn ohoni, gan ei fod yntau wedi bod yn Flaenor yng Nghapel y Tabernacl ar hyd y blynyddoedd. Yn y llun gwelir Dilys yn cael ei hanrhydeddu gan y Parchedig Eirian Wyn, cyn-weinidog ar Gapel Bethesda, Glanaman, gyda’r fedal Gee.

Ennill Car

2011-11-16T08:23:00.000Z

Mrs. Julie Evans gyda’i char newydd

A ydych chi’n mynd i siopa yn hwyr y nos? Wel, dyna wnaeth un o drigolion Heol yr Hendre, Tycroes. Gwnaeth Mrs. Julie Evans fynd i siopa yn Tesco newydd Rhydaman wedi diwrnod o weithio fel nyrs yn ardal Abertawe. Wedi gwneud ei siopa a thalu am y nwyddau gofynnwyd iddi os y carai lanw ffurflen er mwyn ceisio ennill car. Gwnaeth hynny heb feddwl ddwy waith am y wobr a’r canlyniadau. Anghofiodd am y peth nes iddi dderbyn galwad, ynghanol diwrnod prysur, ar ei ffôn symudol oddi wrth Radio Caerfyrddin yn nodi’r ffaith eu bod ar rhestr fer o ddeg i ennill car oni iddi fynd i Tesco Rhydaman yn ystod y diwrnodau canlynol. Gwnaeth hynny ac er syndod mawr iddi enillodd ‘Renault Clio’ arian newydd fflam. Methau yngan gair pan y cyhoeddwyd y newyddion – roedd mewn sioc. Fel mae’n digwydd mi roedd yn ben-blwydd arni y penwythnos hwnnw hefyd a dyna beth oedd anrheg annisgwyl!

Llongyfarchiadau mawr i Julie a phob dymuniad da

Heledd Cynwal yn Lawnsio CD yn Llandeilo - Sefydliad y Merched

2011-11-12T09:34:00.000Z

Yn ddiweddar bu digwyddiad go arbennig yn Festry Capel Newydd, pan wnaeth Heledd Cynwal lawnsio CD cyntaf erioed Aelodau Sefydliad y Merched Sir Gâr megis Côr Zenaphonics a Pharti Llefaru Merched Bancyfelin. Roedd yn fraint cael ei chwmni ar y noson a chafwyd anerchiad hyfryd ganddi yn ogystal a chydnabyddiaeth caredig dros ben gan Julia Jones, Maer Llandeilo.

Enw'r CD yw Sgwd y Gân/ Cascade of Song ac fe'i recordiwyd yng Nghapel Newydd nôl ym mis Gorffennaf. Mae yn cynnwys 13 o ganeuon a dau ddarn adrodd - amrywiaeth hyfryd sy'n siwr o apelio at gynulleidfa eang. Penderfynwyd recordio'r CD fel rhan o ddathliadau pen blwydd y Ffederasiwn yn 85 oed. Fe gofiwch i ni hefyd gyhoeddu ein hail lyfr o farddoniaeth yn gynharach yn y flwyddyn, Sgwd yr Awen / Cascade of Inspiration. Mae'r llyfr a'r CD yn cyfuno i wneud set hyfryd dros ben ac maent ar gael o Swyddfa'r WI, Siop y Pentan neu ffoniwcgh Beryl Owen ar 01558 823213. Rydym hefyd yn gobeithio trefnu iddo fod ar gael yn ardal Rhydaman. Cadwch eich llygaid mas amdano.

Llun y lawnsiad (Chwith i'r dde) Zena Jenkins (arweinydd y Côr) Amaryllis Stock (Cadeirydd y sir), Heledd Cynwal, Marryl Bradley (Llun y clawr), Julia Jones (Maer Llandeilo), a Rhiannon Griffiths (cyfeilydd)

Eisteddfod

2011-11-05T11:53:00.000Z

Hyfryd o beth yw medru arwisgo person i'r Orsedd sydd a chysylltiadau a'r pentref. Eleni urddwyd Tamsin Cathan Davies ar fore Llun 1 Awst yn Wrecsam. Mae Tamsin yn ferch i'r Athro a Mrs Russell Davies ac yn wyres i'r diweddar Mr a Mrs Emrys Davies, Cathan Villa, Heol Pentwyn. Mae hi bellach yn gweithio fel Swyddog Cydlynu Darpariaeth Gymraeg Canolfan Gwasanaethau'r Gymraeg, Prifysgol Aberystwyth -Cole- Ile bu ei thad yn darlithio.

TEULU

2011-11-05T11:01:00.000Z

Mae'n siwr fod y rhan fwyaf o'r darllenwyr wedi gwylio'r ddwy ^gyfres o "Teulu" fu ar S4C yn ystod y ddwy flynedd ddiwethaf, - cyfres sy' wedi ei ffilmio yn Aberaeron, - and faint ohonoch oedd yn ymwybodol o gysylltiad agos un o'r cymeriadau d Brynaman?

Yn yr ail gyfres, fe'n cyflwynwyd i'r gyfreithwraig, Ffion Llywelyn, a'i merch 7 oed, Lleucu. Mae Megan Wynne, sy'n action rhan Lleucu, yn wyres i Delyth a Ralph Jones, L6n y Parc, Brynaman, ac yn ferch i Rhiannydd Wynne a Dafydd Du. Gan fod braved Rhiannydd, Cerith, a'i deulu yn byw yn Aberaeron, roedd Megan yn gartrefol to hwnt yn ystod cyfnod y ffilmio, ac fe gafodd gwmni ei thadcu o Frynaman fel "chaperone"!
Mae Megan, sydd erbyn hyn yn 8 oed, yn ddisgybl yn Ysgol Treganna. Caerdydd. Mae'n dwlu ar anifeiliaid (roedd wrth ei bodd yn het crancod ar y traeth ar 61 gorffen ffilmio) – ac mae hefyd yn mwynhau canu'r piano.

Bydd y drydedd gyfres o "Teulu" yn ymddangos ar S4C cyn bo hir – edrychwn ymlaen at weld sut fydd cymeriad Lleucu yn datblygu.

Pob lwc, Megan.

Côr Meibion Llandybie

2011-10-31T21:29:00.000Z

Eleni, ar eu taith ddirgel troi tua dwyrain Cymru gwnaeth Côr Meibion Llandybie. Yr ymweliad cyntaf

oedd Pont Gludo byd enwog Casnewydd. Adeiladwyd hon yn 1906 er mwyn i'r gweithwyr a oedd yn byw ar ochr orllewinol yr Afon Wysg, allu croesi i'r gwaith dur a oedd ar yr ochor ddwyreiniol. Gan bod llongau mawr ar y pryd yn hwylio i fyny'r afon i ganol y dref rhaid oedd cael pont uchel. Yr ateb oedd adeiladu dau dwr bob ochor yr afon gyda gondola yn hongian o'r trawstiau. Mae'n bont hynod o hardd sy'n denu ymwelwyr o bob cornel o'r byd. Dim ond un arall o'r fath sydd ym Mhrydain a dim ond wyth sydd yn yr holl fyd.

Ar o1 pryd o fwyd blasus mewn -westy cyfagos aeth y Cor ymlaen i Abertyleri a pentref bach Six Bells lle mae cofeb drawiadol wedi ei adeiladu i'r glowyr a collodd eu bywydau yn nhrychineb erchyll 1960. collodd 45 o ddynion eu bywydau - un set o efeilliaid a collodd dau deulu dad a mab. Hanner can mlynedd ar o1 y drychineb ar Ddydd Mawrth 28ain Fehefin 2010 arweiniodd yr Archesgob Caergaint wasanaeth i gofio'r drychineb. Ar y gofeb mae enw, oedran a phentref pob un or glowyr. Saif y gofeb 20 metr uwchben safle Glofa Six Bells gyda'r geiriau "Cyflwynir y Gofeb hon i'r holl lowyr a gollodd eu bywydau ar 28 Mehefin 1960 yng Nglofa Chwe Chloch, ac i gymunedau glofaol ym mhob man".

Ar o1 croesi Mynydd Llangynidr i Ddyffryn Wysg daeth y diwrnod i ben gyda phryd o fwyd blasus a chan yng ngwesty Abercraf.

CWMNI DRAMA’R GWTER FAWR

2011-10-27T12:27:00.000+01:00

Rhes Gefn: Sarah Hopkin (cofweinydd), Alan Pedrick,Janet Bowen, Colin Evans. Rhes Flaen: Eifion Price, Susan Thomas, Mel Morgans (Cynhyrchydd), Lisa Lewis Jones, Euros Jones

Llongyfarchiadau i’r cwmni ar eu llwyddiant yn Eisteddfod Genedlaethol Wrecsam a’r Fro yn ystod wythnos gyntaf mis Awst. Roeddent yn cymryd rhan mewn Cystadleuaeth Gŵyl Ddrama Awr Ginio yn Theatr y Maes, ac eleni, yn wahanol i’r arfer, derbyn gwahoddiad wnaethant i gymryd rhan er mwyn dathlu’r ffaith fod yr Eisteddfod yn dathlu ei phenblwydd yn 150 ! Ar ôl gwylio pump drama fer, hollol wahanol i’w gilydd, o Ddydd Llun i Ddydd Gwener, gan gwmnїau o bob rhan o Gymru, penderfynodd y beirniaid , Carys Tudor Williams a Carys Edwards , mai Cwmni Drama’r Gwter Fawr oedd yn haeddu’r wobr gyntaf. Fe dderbynion nhw Gwpan Gwynfor ( i’w ddal am flwyddyn) a £400. Roeddent yn perfformio comedi gan Edgar Jones - “Dau Dad”, ac fe lwyddwyd i roi adloniant pur i theatr lawn.

Aelod newydd i’r Orsedd!

2011-10-27T12:22:00.000+01:00

Llongyfarchiadau i Nia Wyn Davies, Lôn Bryn Neuadd, Brynaman ar gael ei hurddo yn aelod o’r Orsedd yn yr Eisteddfod Genedlaethol yn Wrecsam, yn sgîl y ffaith ei bod wedi graddio mewn Cymraeg. Mae’n brїod ag Aled, ac mae ganddynt ferch fach Alaw.

Ei henw yng ngorsedd yw Nia Gwaun Esgair.

Cyflwyno Sieciau

2011-10-26T12:15:00.000+01:00

Dilys Richards(Tabernacl) a Mair Wyn (Lleisiau’rCwm) yn derbyn Cyfraniadau’r Cyngor)

Cynhaliwyd noson arbennig yn Siambr y Cyngor, Stryd Fawr, Glanaman ar nos Fercher, 26^fed Gorffennaf pan anrhydeddwyd rhai o sefydliadau’r Cwm gyda rhoddion ariannol gan Gyngor Cymunedol Cwmaman i’w helpu i’r dyfodol. Yr oedd y seremoni yng ngofal Maer Cwmaman, sef y Cynghorwr Colin Evans, gydag aelodau’r Cyngor yn bresennol. Cafodd y sieciau canlynol eu cyflwyno sef: Cor Merched Lleisiau’r Cwm, £200; Clwb y Garnant, £250; Ffrindiau Hen Fethel, £250; Clwb Godre’r Mynydd Du (Ieuenctid) £250; Capel y Tabernacl, £200; ac hefyd Clwb Rygbi yr Aman, £200. Diolchodd y gwahanol bersonnau am y rhoddion ac yr ydym yn ddyledus i’r Cyngor Cymuned am eu haelioni i Achosion lleol.

ALEX JONES - Merch byrsur

2011-10-26T08:31:00.000+01:00

Llongyfarchiadau mawr i Alex Jones ar ei llwyddiant ysgubol ym myd y teledu. Ers ei phenodiad yn gyd-gyflwynydd ‘The One Show’ bron i flwyddyn yn ôl erbyn hyn, mae wedi cyflwyno perfformiadau ar faes yr Eisteddfod Genedlaethol yn Wrecsam; ymddangos fel panelydd ar y sioe gemau doniol ‘Epic Win’ ac yn gyd-gyflwynydd i Tim Evans, cyfarwyddwr cerddorol ‘Only Men Aloud’, ar y rhaglen ‘BBC Proms in the Park’ am y tro cyntaf o Gastell Caerffili. Y mae hefyd wedi ei dewis yn gystadleuydd ar un o rhaglenni mwyaf poblogaidd y BBC, ‘Strictly Come Dancing’. Dymunwn bob llwyddiant iddi ac fe fyddai yn hyfryd cael merch o Dycroes yn ennill ar ddiwedd y gyfres

Pencampwr y D.U ac Ewrop

2011-10-25T21:01:00.000+01:00

Yn rhifyn diwethaf Glo Mân cawsom hanes Huw Thomas, mab Eirwen a Raymund Thomas, Llanedi yn enill pencampwriaeth “Rookie” Ewrop a’r D.U. Gofynion y ras oedd seiclo am ddeuddeg awr yn ddi-stop erbyn rhai o feicwyr gorau Ewrop. Cwblhaodd Huw 10 lap o’r cwrs 18 km – rhyw 110 milltir - ar drac coediog serth oedd yn dringo i fyny hyd at 4500m mewn 11 awr a 5 munud.

Mae Huw yn aelod o dîm De Cymru ‘Loco BM Racing’. Mae wedi bod yn beicio ers chwe mlynedd, ond hon oedd ei ras 12 awr unigol gyntaf. Roedd yn brofiad ac achlysur arbennig iawn, pawb yn llawn hwyl a phibydd traddiodiadol yr Alban yn ei arwain o’r pentref i’r trac a dechrau’r ras.

Mae Huw wedi cael cyfnod hynod lwyddiannus ac ymhlith ei lwyddiannau diweddar oedd cael yr amser cyflyma yn ras 100km Macmillan yn Afan Argoed.

Ras fawr diwetha Huw oedd 400km dros 7 niwrnod yn seiclo o Vancouver i Whistler yng Nghanada. Bu yn cystadlu yn erbyn rhai o feicwyr gorau’r byd o 22 gwlad. Mae’n ffodus iawn ei fod wedi cael ei dderbyn i’r ras hon gan eu bod yn derbyn beicwyr profiadol a llwyddianus yn unig.

Dywed Huw ei fod yn teimlo’n ffodus iawn i allu gweithio fel Rheolwr Prosiectau i’r Comisiwn Coedwigaeth yng Nghymru a hefyd mwynhau bod allan yn yr awyr iach wrth ddilyn ei hobi.

Mae’n adeiladu beiciau ei hun ac erbyn nawr yn cael ei gydnabod fel beiciwr arbennig o dda gan nifer o gwmnïau ym Mhrydain sy’n ei noddi drwy gynnig offer a nwyddau beicio iddo.

Caws Caerfyrddin

2011-10-25T20:58:00.000+01:00

Llongyfarchiadau i Gwmni Caws Caerfyrddin elem eto. Bu'r cwmni yma yn llwyddiannus iawn mewn sawl sioe amaethyddol yng Nghymru a Lloegr. Cipiasant wobrau aur, arian ac efydd gyda'u gwahanol gawsiau. Yn y sioe gaws fwya'r byd yn Nantwich cipiasant y brif wobr, sef Tlws Waitrose am y caws gorau yn y Sloe gyda'u caws Boksburg Blue.

Perchnogion y cwmni yw Steven a Sian Elin Peacesy'n byw, gyda'r plant Mia a Joseph, yn Llanllwch, Caerfyrddin. Mae Sian Elin yn ferch i Enid a Hywel Davies o'r Betws.

Os ydych am flasu'r caws Llangloffan neu Pont Gar Brie mae ar hyn o bryd ar werth yn Tesco. Rhydamanac yn slop Cwm Cerrig, Cross Hands. Dymunwn pob llwyddiant i'r dyfodol.

John o Groats i Land's End

2011-10-22T10:44:00.001+01:00

Penderfynodd Emyr Stephens a thri o ffrindiau o Kernew (Cernyw) , Andrew, Nathan a Phil, groesi Prydain drwy feicio o John O'Groats yn yrAlban i Lands End yng Nghernyw a cherdded i ben y tri cops uchaf ym Mhrydain sef Ben Nevis, Scafell Pike a'r Wyddfa.

Cychwyn o John O'Groats ar y 6ed o Fehefin a chyrraedd Lands End ar Fehefin 19eg. Roedd yn golygu beicio o gwmpas 100 milltir y dydd, a cherdded y mynyddoedd ar eu diwrnodau bant!!

Daliodd y pedwar ar y cyfle i godi arian at elusen oedd yn agos at eu calonnau. Dewis Emyr (sydd yn fab i Alun ac Eurwen Stephens Maes y Coed) oedd Uned Gofal Arbennig y Babanod yn Ysbyty Prifysgol Cymru (Ysbyty'r Waun) yng Nghaerdydd. Cafodd Joseph Rhys, mab Anne ac Emyr ofal arbennig yno am fis cyn cael dod adre, ac mae Anne ac Emyr yn ddiolchgar am bob gofal a chymorth a roddwyd iddyn nhw.

Os hoffech ddarllen mwy am y daith, ewch i'r wefan http://www.41ads3peaks2weeksljogle. info/

Hoffai Emyr ddiolch i'w deulu, ffrindiau, aelodau o Gymdeithas Gorawl Rhydaman a'r Cylch a Drws Agored am eu cyfraniadau i'r elusen.

Diolch yn fawr.

Cymdeithas Gellimanwydd

2011-10-21T20:20:00.000+01:00

Dydd Sadwrn17 Medi oedd dyddiad trip blynyddol Cymdeithas Gellimanwydd eleni. Cheltenham oedd y gyrchfan y tro hwn. Rod dy bws yn dechrau o Rhydaman am 9 ac erbyn 11.00 roeddem yng nghanol y dre yn barod o ddiwrnod o “sightseeing” a siopa.

Roedd farchnad grefftau yno a manteisiodd rhai ar y cyfle i weld y stondinau cyn crwydro’r Promenad enwog. Wrth gwrs, roedd yn rhaid cael cwpanaid o de a cinio yn y dref cyn dychwelyd am adre.

Yn ol yr arfer rhaid oedd stopio ar y ffordd gartre. Aethom i’r Ship inn yn Alveston, ger yr hen bont Hafren a mwynhau pryd blasus o fwyd a sgwrs melus cyn dychwelyd adre wedi cael diwrnod i’r brenin. Diolch i Mrs Mandy Rees a Mairwen Lloyd am y trefniadau

Her y tri Pegwn - three peaks

2011-10-17T20:51:00.000+01:00

Ar yr 25ed o Fehefin aeth Rhodri Culley o Flaenau, Aneurin Miles o Landeilo, a 3 o’i gyfeillion Hefin Williams, Dafydd Williams a Geraint Williams o’r Gogledd i ymrafael a’r tri pegwn ucha yn yr Alban, Lloegr a Chymru. Y nod oedd cerdded i lan i’r 3 pegwn o fewn 24 awr. Yn ogystal a’r cerddwyr, roedd ganddynt yrrwr, Neil McIntosh o’r Alban, a’i rhieni yn byw mewn tyddyn fach nepell o Ben Nevis. Dechreuwyd y daith i’r Alban o Aberystwyth am naw y gloch ar ddydd Gwener y 24ydd o Fehefin, aros y nos yn Fort William, a dechrau’r daith i frig Ben Nevis am 5 y gloch y prynhawn ar y dydd Sadwrn. Dyma’r anser gorau i ddechrau i sicrhau bod y rhan fwyaf o’r cerdded yn cael ei wneud mewn golau dydd. Ar ol disgyn, teithiwyd drwy’r nos er mwyn dechrau’r daith i Scafell am bedwar y gloch y bore. Wedyn teithio nol i Gymru i gyflawni’r gamp twy ddringo’r Wyddfa. Codwyd dros £400 ar gyfer Elusen Doug Davies ar gyfer Cancr y Prostad gan Rhodri. Ni wnaeth ddioddef unrhyw anaf ar y daith, ond roedd yn cerdded fel John Wayne am rhai diwrnodau ar ol cyrraedd adre!.

Llun 1 - Aethpwyd a teclun GPS ar y daith a mae’r llwybrau a ddilynwyd yn ymddangos ar luniau’r 3 pegwn.
Llun 2 – golygfa Ben Nevis o dyddyn y McIntoshiaid.

Llwyddiant yn Wrecsam!

2011-10-15T18:38:00.001+01:00

Llongyfarchiadau i Glesni Euros, Stryd y Parc, a ddaeth yn ail yn y gystadleuaeth Llefaru Unigol 19 – 25 oed yn yr Eisteddfod Genedlaethol yn Wrecsam ym mis Awst. Mae Glesni wedi cael cryn lwyddiant yn ein Prifwyl dros y blynyddoedd a gan mai dim ond 19 oed yw hi, mae’n siwr y daw llwyddiant pellach iddi dros y blynyddoedd nesaf. Pob lwc iddi hefyd wrth baratoi at ddechrau ei hail flwyddyn yn astudio Almaeneg yng Ngholeg Keble, Rhydychen.

Merched y Wawr Brynaman

2011-10-15T18:36:00.002+01:00

Dechreuodd y tymor newydd mewn steil , Nos Wener , Medi 9fed, gyda gwledd o ddanteithion wedi eu paratoi gan aelodau’r pwyllgor. Fel arfer, mae llawer o bethau i’w trafod ar noson gynta’r tymor, a braf oedd gallu croesawu rhai aelodau newydd i’r cyfarfod hefyd cyn estyn croeso cynnes i’r wraig wâdd, sef Mrs. Einir Jones o Rydaman.Croesawyd hi i’n plith gan y Llywydd, Buddug Williams, ac fel arfer, fe gafwyd amser diddig yn ei chwmni – bu’n sôn wrthym am rai o’r profiadau sydd wedi dod i’w rhan fel gwraig i weinidog. Wel, am ddechrau da i’r tymor. Llond bol o chwerthin iach, cyn llenwi’n boliau wrth y byrddau. Mae rhaglen amrywiol wedi ei pharatoi ar gyfer y tymor, ac fe fyddai’n braf gallu croesawu mwy o aelodau newydd. Bydd y cyfarfod nesaf Nos Wener, Hydref 14eg, yn Neuadd yr Henoed am 7 o’r gloch. Y gwestai y noson honno fydd Nia Evans o gwmni “Bodlon”, Llanarthne. Beth am ymuno â ni?

Lleisiau’r Cwm a Cantata yn cefnogi Bobath Cymru

2011-10-10T20:38:00.000+01:00

Gwelir Endaf Price, cynrychiolydd Bobath Cymru, yn derbyn siec wrth Catrin Hughes, trefnydd y Cabare ac arweinydd Cantata a Lleisiau'r Cwm

Ar Nos Wener Gorffennaf 15^fed, trefnwyd noson Cabare gan Gôr Merched Lleisiau'r Cwm o Ddyffryn Aman, a Chôr Merched Cantata o Lanelli. Prif fwriad y noson oedd dathlu 15 mlynedd o fodolaeth Lleisiau'r Cwm a dathlu llwyddiant Cantata yng Nghystadleuaeth Côr Cymru eleni wrth gipio teitl Côr Merched Cymru am yr ail waith, a chael eu hethol yn gôr mwyaf poblogaidd y gwylwyr. Roedd y noson yn llwyddiant ysgubol, a gwerthwyd pob tocyn ymhell cyn yr achlysur. Arweinydd y noson oedd Heledd Cynwal, sydd wedi cydweithio'n agos gyda'r ddau gôr yng ngystadleuaeth Côr Cymru S4C dros y blynyddoedd. Perfformiwyd caneuon o'r sioeau gan y ddau gôr - caneuon adnabyddus fel Big Spender, All that Jazz, Hirddydd Haf a Allai'm peidio dy garu di, a chafwyd eitemau gan ddawnswyr o Ysgol y Strade a fu'n llwyddiannus yn Eisteddfod yr Urdd eleni.
Y cyfeilydd gwâdd oedd Richard Vaughan, a 'r sielydd oedd Nerys Clarke a diolch i'r ddau am eu cyfraniad hwythau. Cynhaliwyd ocsiwn hefyd ar y noson, ac ymhlith yr eitemau yn yr ocsiwn oedd taith 2 awr mewn balwn awyr poeth dros Ddyffryn Tywi, pel rygbi yn rhoddedig gan Rhys Priestland wedi ei lofnodi gan garfan y Scarlets 2012, hamper harddwch, a diwrnod yn Machynys. Yr ocsiwnier oedd Glynog Davies Brynaman. Codwyd £2,000 o bunnoedd rhwng y raffl a'r ocsiwn, ac mae'r elw yn mynd i Bobath Cymru (Uned Therapy Cymru sy'n cynnig arbenigedd mewn ffisiotherapi i blant sy'n dioddef o Cerebral Palsy).
Diolchwyd i bawb am eu cefnogaeth gan Endaf Price ar ran Bobath Cymru. Fel Llywydd Anrhydeddus Côr Merched Lleisiau'r Cwm, fe ddiolchodd Heddyr Gregory i bawb am eu haelioni a'u caredigrwydd, gan ddymuno llwyddiant pellach i'r ddau gôr yn y dyfodol. Ar ddiwedd y noson, ymunodd Cantata a Lleisiau'r Cwm i ganu Anthem o Chess,ac roedd y gynulleidfa ar eu traed. Yn yr ail hanner anffurfiol, fe berfformiodd Fat Barry's Soul Band. Hoffai Catrin, Cantata a Lleisiau'r Cwm ddiolch i bawb a fu’n cyfrannu mewn unrhyw ffordd tuag at lwyddiant y noson.

Clwb Henoed Tycroes

2011-10-07T10:19:00.001+01:00

Ar ddydd Mawrth ym mis Gorffennaf aeth llond bws o Glwb yr Henoed ar eu hail drip tymor yr haf. Â’r haul yn tywynnu dechreuwyd ar y daith i dref hynafol Aberteifi. Amcan pennaf y daith oedd ymweld ag arddangosfa yn Oriel Pen-y-dre, sef ‘cardigan’ enfawr wedi ei gweu gan drigolion y dref i ddathlu penblwydd 900 mlynedd Aberteifi.

Ac ni’n siomwyd chwaith. Wedi cyrraedd Aberteifi a chael paned a chacen cawsom sgwrs ddiddorol gan brif gynllunydd a dylunydd y prosiect, Lisa Hellier. Eglurodd Lisa sut y daith y gardigan i fod, sef ymateb i’r alwad i ddathlu’r penblwydd mewn modd arbennig. Ei syniad a’i chynllun hi enillodd y dydd.

Yno yn yr Oriel yn hongian o’r trawstiau, yn ei holl ogonaint, oedd y gardigan enfawr yn mesur rhyw wyth troedfedd o uchder a thua deuddeg troedfedd o led ac yn cynnwys dwy lewys enfawr. Yn ffodus gellid cerdded o amgylch y gardigan gan rhyfeddu ar ei chefn a’i ffrynt.

Wedi i pawb eistedd yn gyfforddus dechreuodd Lisa adrodd hanes y gardigan o’r dechrau cyntaf hyd y pwyth olaf. Prosiect cymdeithasol oedd â phawb yn ymgynnull ar nos Sul i weu. Roedd yma elfen gref o rannu sgiliau ac fe welwyd y dref mewn golwg newydd. Daeth nifer o wragedd ynghyd i ddysgu gweu heb batrwm i gyfleu tirwedd a threftadaeth y dref hynafol hon. Mae’r cardigan yn cynnwys nifer helaeth o wahanol batrymau o wau, gyda’r pwyth ‘cêbl’ yn bwysig drwy gydol y gwaith er mwyn nodi gwaith rhaffau ar y llongau a hefyd clymau Celtaidd yr Hen Oesoedd.

Dengys y gardigan yr hen Gastell, Cwrwglau i bysgota am eog a llong yr ‘Albion’ a hwyliodd o Aberteifi yn 1819 i Ganada. Gwelir hefyd Eglwys y Santes Fair ynghyd â llawer o adeiladau hanesyddol y dref.

Dros y 900 mlynedd mae’r dref wedi magu cymeriadau nodedig a dewisodd y gweuwyr eu nodi yn y gwaith. Yn eu mysg, Roger De Montgomery a fu farw yn 1094, cyn sefydliad y dref; Tywysoges Nest a fu’n byw yn y castell wedi ei phriodas â Stephen y Castellydd. Ymwelodd Owain Glyndwr â’r dre ac ymosododd ar y castell yn 1405; teithiodd Henry Tudor drwy Aberteifi ar ei daith i Bosworth yn 1485. Ac yna i’r presennol y ddau Brifardd, Ceri Wyn Jones a’r diweddar Dic Jones, cyn-Archdderwydd Cymru ac un o feirdd pwysicaf y genedl

Un ansoddair sy’n addas i ddisgrifio’r gampwaith yw ‘unigryw’. Mae’n anodd cyfleu mawredd a chywreinrwydd y gwaith. Rhaid ei weld i amgyffred yr holl waith y bu wrth gynllunio a dylunio’r prosiect. Y gobaith yw cael cartref parhaus i’r gardigan. Bydd yn cael ei harddangos yn yr Eisteddfod Genedlaethol yn y Barri a’r Fro y flwyddyn nesaf.

Defnyddiaf gwpled y Prifardd Dic Jones i grynhoi’r ymweliad:

‘A wêl y gamp geilw i go

Swyn y gymdeithas honno.’

Mary Rees

Sgwd y Gân

2011-10-04T08:11:00.000+01:00

Fel rhan o ddathliadau pen blwydd Ffederasiwn Sefydliad y merched Sir Gâr bydd Heledd Cynwal yn lawnsio CD cyntaf y Ffederasiwn Sir 'Sgwd y Gân / Cascade of Song' ar nos Wener Hydref 7fed yn Festri Capel Newydd Llandeilo. Bydd Côr Zenaphonics a Parti Llefaru Merched Bancyfelin yn cymryd rhan.

Ffurfiwyd y Côr sydd yn cynnwys aelodau o ‘r WI ar draws y sir, dwy flynedd yn ôl, pan gynhaliodd y Ffederasiwn Gyngerdd Nadolig Dilyn y Seren. Mae enw’r Côr yn deillio o enw’r arweinydd Zena Jenkins. Roedd Parti Llefaru Merched Bancyfelin yn enillwyr haeddianol yn Eisteddfod Cymru Sefydliad y Merched diwethaf.

Meistres y Gwisgoedd - Gorsedd Y Beirdd

2011-09-30T23:23:00.001+01:00

"Mae cyfraniad Sian Aman i Orsedd y Beirdd fel Meistres y Gwisgoedd yn gwbl unigryw. Bu yn y swydd ers saith mlynedd ar hugain ac yn ystod y cyfnod hwn, gwnaeth gyfraniad arbennig iawn. Bu'n gyfrifol am ofalu am holl wisgoedd Yr Orsedd, gan sicrhau fod gwisg ar gyfer pob aelod o'r Orsedd yn y gwahanol seremoniau. Yn wir, iddi hi a'i gwr Huw y mae'r diolch am eu rhodd hael wrth gyflwyno gwisg newydd i'r Archdderwydd yn ystod y blynyddoedd diweddaraf. Mae Jean yn meddu ar rinweddau hollol arbennig - mae'n hi'n drefnus o ran natur, yn bwyllog ac amyneddgar o ran personoliaeth, yn llawn cariad at yr iaith Gymraeg a'r diwylliant Cymreig ac yn urddasol ei chymeriad. Bu'r rhinweddau hyn yn amlwg a chyson yn ei gwaith ers dros chwarter canrif, a mawr ein diolch iddi, wrth iddi ymddeol o'r swydd. Yn fwy na dim, fel y gwelsom yn ystod yr Eisteddfod eleni yn Wrecsam, mae aelodau'r Orsedd yn meddwl y byd ohonni ac yn gwerthfawr ei chymwynasau di-ri dros gyfnod maith.

Yn ystod y Cyfarfod Blynyddol, cyflwynwyd anrheg arbennig i Jean, sef darn o wydr cain sy'n cynnwys marc cyfrin Yr Orsedd ynghyd ag englyn gan y Prifardd John Gwilym Jones. Cyflwynwyd hefyd iddi, rodd ariannol teilwng a llun ohonni gyda'r Archdderwydd, y Cyn-Archdderwyddon, Swyddogion Yr Orsedd a phrif swyddogion yr Eisteddfod Genedlaethol. Bydd ganddi hi a'i gwr Huw, lu o atgofion melys am wahanol Eisteddfodau - ac fe fydd ganddon ni, aelodau'r Orsedd lu o atgofion melys amdani hi. Does ond rhaid i rywun fod yn ei chwmni am gyfnod byr iawn, i werthfawrogi ei phersonoliaeth hyfryd ac i ddod o dan ei swyn cyfareddol! Diolch i Jean am ei gwaith anhygoel ac i Huw am fod yn gymaint i gefn iddi gydol y blynyddoedd."Penri Tanad
Cofiadur Yr Orsedd

Mabolgampau Dan Do Ysgolion Sul Sir Gaerfyrddin

2011-08-16T21:07:00.000+01:00

Cwblhawyd blwyddyn o weithgareddau ar gyfer yr Ysgolion Sul yn sir Gaerfyrddin gyda mabolgampau dan do. Mae poblogrwydd y digwyddiad hwn wedi tyfu yn aruthrol ac eleni cynhaliwyd tair noson o gystadlaethau gyda thyrfa niferus iawn yn bresennol ar bob achlysur. Cynhaliwyd cystadlaethau rhanbarthol ar gyfer y dwyrain a’r gorllewin gyda rowndiau terfynol y sir yn cael eu cynnal yng Nghanolfan Hamdden Caerfyrddin.
Trefnwyd cystadlaethau ar gyfer pob ystod oedran, o’r meithrin hyd at 18 oed, gyda chyfanswm o 59 o gystadlaethau. Roedd amrywiaeth eang yn y math o gystadlaethau er mwyn rhoi cyfle i gymaint â phosib i fedru cymryd rhan. Yn ogystal â gwahanol fathau o rasys, cafwyd hefyd gwahanol fathau o gystadlaethau maes megis, taflu pêl am nôl, taflu pwysau, neidio cyflym (“speed bounce”), naid hir, naid driphlyg a thynnu rhaff. Gwobrwywyd y tri cyntaf yn y rowndiau terfynol gyda medalau “aur”, “arian” neu “efydd.”
“Cyffro”, “llawenydd”, “hwyl”, “sgrechian”, “gwefr” yw’r geiriau sy’n llifo i’r meddwl wrth gofio am yr achlysur. Roedd yr holl ddigwyddiad yn hysbyseb o’r math orau i’r Ysgol Sul ac i’r clwb Cristnogol.
Bydd M.I.C. eto yn trefnu amrywiaeth o weithgareddau cyffrous y tymor nesaf ond yn y cyfamser os hoffech weld rhagor o luniau o’r mabolgampau ewch i www.micsirgar.org
(Mae M.I.C. yn gweithio’n gyd enwadol ar draws sir Gaerfyrddin gyda’r nod o hybu tystiolaeth yr efengyl ymhlith plant a phobl ifanc ac mae croeso i unrhyw eglwys o fewn y sir i fod yn rhan o’r Fenter. Am fanylion pellach cysyllter â Nigel Davies ar (01994)230049 neu mic@uwclub).

Merched y Wawr - Cangen y Gwter Fawr.

2011-08-03T07:08:00.000+01:00

Cynhaliwyd Cinio Blynyddol y Gangen ym Mwyty’r Mynydd Du ar nos Wener, 10 Mehefin. Cafodd pawb bryd bwyd blasus iawn gyda digon ohonno.

Wedi i bawb lenwi’u boliau daeth yr amser i glywed gair gan y gwr gwadd. O ddweud mai Sulwyn Thomas oedd y gwr gwadd bydd pawb yn sylweddoli mai nid ‘gair’ a gafwyd ond geiriau a’r rheinny’n rai difyr iawn fel y byddem yn ei ddisgwyl gan un sydd wedi hen arfer diddori a diddanu ei wrandawyr gyda’i ddawn eiriol.

Da hefyd oedd gallu croesawu Glenys a ddaeth i ofalu bod ei gwr yn saff ynghanol yr holl fenywod.

‘Roedd Richard wedi dod nôl i ofalu am y coginio am y noson a dymunwn yn dda iddo ef a Maria pan symudan nhw i Hwngary o fewn ychydig wythnosau nawr.

Bydd egwyl nawr dros fisoedd yr haf ond bydd y cyfarfodydd yn ail-ddechrau ym mis Medi – yr ail nos Wener o’r mis, am 7 o’r gloch yn Neuadd yr Henoed – pan fydd croeso mawr i aelodau hen a newydd

PRIODAS CWMAMAN

2011-07-29T07:21:00.000+01:00

Llongyfarchiadau mawr i Ffion Elin Powell a Ross Coughlan ar eu priodas ddiwedd mis Mai yng Nghapel Bethesda, Glanaman. Mae Ffion yn ferch i Richard a Derith Powell, Heol Grenig, Glanaman a Ross yw mab ieuengaf Mr a Mrs Coughlan o waelod Heol Tir-y-Coed, Glanaman. Mynychodd y ddau Ysgol Gyfun Dyffryn Aman. Yr oedd y gwasanaeth o dan ofal y Parchedig Eirian Wyn (cyn Weinidog Bethesda) a’r organydd oedd Christopher Davies. Rhoddwyd y briodasferch i’w phriodi gan ei thad, Richard Powell ac yr oedd dau was priodas gan Ross sef Emyr Lewis ac Emyr Rees. Y morwynion priodas oedd Mared Owen, Ffion Haf Mackey ac hefyd y merched bach sef Cadi Lois Owen a Lola Belle Coughlan Hall. Y gwas bach oedd Dion Celt Owen. Tywyswyr y dydd oedd Toby Coughlan, Steffan Powell, Alun Owen, Gruffydd Sion Rees, Chris Rees, Rhodri Williams, Matt Challenger a Chris Glanville.

Yn ystod y gwasanaeth cafwyd darlleniad pwrpasol iawn gan famgu Ffion sef Mrs Sadie Rees a hefyd cafwyd ddarlleniad hyfryd iawn gan frawd Ross sef, Toby Coughlan. Tra’r oedd y pâr priod yn arwyddo’r Cofrestr cafwyd perfformiadau hyfryd gan Llew Davies (llais) a Gethin Roberts (gitarydd). Cerddorion y dydd oedd ffrindiau y pâr ifanc yn cynnwys Gruffydd Sion Rees, Richard Vaughan, Bethan Frieze ac Abigail Blackman,.

Cafwyd y wledd briodas mewn gwesty yn y Dryslwyn. Dymunwn bob bendith i’r pâr priod a iechyd da i’r dyfodol. Mae’r ddau wedi ymgartrefu yn Ninas Caerdydd.

Caersalem Tycroes - Blaenoriaid Newydd

2011-07-24T13:56:00.000+01:00

Mrs. Gillian, Griffiths, Alun Wyn Griffiths a Mrs. Rhian Wyn Jones

Mewn cyfarfod a gynhaliwyd yng Nghapel Caersalem, Tycroes yn ddiweddar fe etholwyd Gillian Griffiths, Heol Tycroes (dosbarthwr ffyddlon ‘Glo Mân’) a’i mab, Alun Wyn Griffiths, ynghyd â Rhian Wyn Jones, Heol yr Hafod, yn Flaenoriaid. Dymunwn bob bendith arnynt wrth iddynt gyflawni eu dyletswyddau.

Pwerdy Iaith

2011-07-19T21:21:00.001+01:00

Daeth llu o drigolion Cymoedd Aman a Thawe ynghyd yng Nghanolfan y Mynydd Du Brynaman nos Lun 13 Mehefin er mwyn lansio a sefydlu pedwar Pwerdy Iaith yn yr ardal fel rhan o Gynllun Hybu’r Gymraeg Aman Tawe.

Mae’r Cynllun newydd yma yn cael ei hyrwyddo a’i weithredu gan swyddogion Bwrdd yr Iaith Gymraeg a swyddogion Menter Bro Dinefwr, Menter Castell-nedd Port Talbot a Menter Brycheiniog a Maesyfed. Nod y Cynllun yw codi’r ymwybyddiaeth a’r defnydd o’r iaith Gymraeg yng nghymunedau Aman Tawe ac i egnïo a bywiocau gweithgareddau ieithyddol a diwylliannol ar draws yr ardal.

Gan groesawu pobl i’r Lansiad dywedodd Meirion Prys Jones, Prif Weithredwr Bwrdd yr Iaith Gymraeg:

“Ardal y glo carreg, cartref chwaraewyr rygbi fel Gareth Edwards a Shane Williams a diddanwyr fel Ryan Davies a Huw Chiswell...ardal Aman Tawe yw un o ardaloedd mwyaf cyfoethog y Gymraeg. Ond erbyn hyn mae’r Gymraeg mewn perygl o golli tir yn sylweddol. Mae lansio’r Pwerdai Iaith lleol hyn yn gyfle i fynd ati a thrafod y camau ymarferol nesaf o ran sut gellid diogelu’r Gymraeg i genedlaethau’r dyfodol yn yr ardal arbennig hon”.

Cafwyd cyflwyniadau hefyd gan swyddogion Bwrdd yr Iaith Gymraeg, Sali Islwyn, (Cyfarwyddwr Datblygu Cymunedol); Dilwyn Jones, (Rheolwr Rhanbarth y De Orllewin); a Llew Davies, (Cydlynydd Prosiectau Cynllun Hybu’r Gymraeg Aman Tawe).

Bydd y Pwerdai Iaith yn mynd ati dros yr wythnosau nesaf i weithio ar brosiect a elwir yn “Balchder Bro”. Bydd yn gyfle i bobl leol greu DVD yn hyrwyddo eu hardaloedd gyda’r nod o hybu brwdfrydedd a balchder yn y gymdogaeth ac yn yr iaith Gymraeg. Roedd yna ddigonedd o frwdfrydedd i weld yn ystod Lansiad y Pwerdai Iaith gyda phobl leol yn byrlymu gyda syniadau cyffrous ynglŷn â gweithgarwch i sicrhau dyfodol lewyrchus i’r Gymraeg yn ardal yr Aman Tawe.

Bydd croeso cynnes i bawb sydd â diddordeb yn nyfodol y Gymraeg o fewn yr ardal gyfrannu i’r Cynllun newydd cyffrous yma. Am fanylion pellach, cysylltwch â Rhys Davies, Swyddog Datblygu Cynllun Hybu’r Gymraeg Aman Tawe, ar 01269 825790 / rhys.davies@byig-wlb.org.uk

BEICWYR O FRI

2011-07-15T08:56:00.000+01:00

Huw

Emyr

Guto, Tim a Rob

Mae yna nifer o ardal Glo Man wedi gorffen teithiau beiciau nodedig yn ddiweddar. Mae Emyr Stephens, yn wreiddiol o Rhydaman wedi beicio o John O’Groats i Lands End. Aeth Guto Evans, Tim Jones a Rob Collard cyd weithwyr yng nghwmni TRJ Betws o Ty Ddewi i Ddiben Ness yn Lowestoft. Ym Mhencampwriaeth Beiciau Mynydd Ewrop enillodd Huw Thomas sy’n enedigol o Lanedi bencampwriaeth “Rookie” Ewrop a’r D.U.

Cylch Cinio Tybie.

2011-07-10T21:10:00.000+01:00

Llun - Arwel Davies, Caerfyrddin

Crybwyllwyd Arwel Davies, ein cadeirydd, mai cyfarfod mis Ebrill, efallai, oedd un o uchafbwyntiau'r tymor pan ymunodd cyfeillion Cylch Cinio Rhydaman gyda ni yn y Clwb Golff Glynhir. Wedi estyn croeso cynnes i'n ffrindiau gwahoddwyd Mr.Elfryn Thomas, ysgrifennydd Gylch Rhydaman gan Arwel i offrymu'r fendith cyn bwyd. Wedi bwyta roedd yn amlwg bod pawb wedi eu bodloni gyda safon uchel y lluniaeth.

Ein gwr gwadd am y noson oedd Mr.Elfan Bell. Brodor o Felindre, ger Abertawe oedd e'n wreiddiol ac yn awr yn gyfreithiwr yn Rhydaman ers blynyddoedd. Wedi ei groesawu a'i gyflwyno gan Arwel cymerodd Mr.Bell "Cyfreithiau Hywel Dda" fel pwnc ei sgwrs. Bu Hywel Dda fyw tua'r cyfnod 900 AD. Ef oedd brenin Deheubarth Cymru cyn iddo ehangu ei freniniaeth i gynnwys Gorllewin Cymru hefyd.. Am y tro cyntaf erioed, yn ystod ei deyrnasiad, cofrestrwyd ar bapur deddfau i ni'r Cymru, deddfau da a chyfiawn, deddfai yn llawn synnwyr cyffredin a thostiri. Cyfreithiau. er Iles y bobl oedd gan Hywel Dda tra yn Lloegr ar y pryd, cyfreithiau er Iles y brenin a'i rheolwyr oedd yno . Rhoddodd Elfan engreifftiau diddorol trwy gydol ei sgwrs yn cymharu deddfau Cymru a deddfau Lloegr.

Cynigodd Mr.Calvin Davies, Cadeirydd Cylch Rhydaman diolch didwyll i Elfan Bell, a gwnaeth y sylw bydde'n rhyfeddu dim pe bai deddfau Lloegr ac nid deddfau Hywel Dda oedd wrth wraidd y dywediad Saesneg, "the law's an ass". Ategodd Arwel at y diolchiadau gan fynegi hefyd ei foddhad o gael cwmni pleserus brodyr Rhydaman

Dychwelyd adre

2011-07-09T13:09:00.000+01:00

Rhai o aelodau Ysgol Sul Moreia, Tycroes 1944-53 – Mrs. Eiry Davies, Dafydd Wyn, Geraint Roderick ac Elfryn Thomas

Da oedd cael y cyfle o groesawu i bulpud Moreia yn ddiweddar un o blant yr eglwys yn Dafydd Wyn, Glanaman. Brodor o Heol yr Hendre, Tycroes yw Dafydd yn fab i Joe ac Ethel Davies ac yn frawd i Tesni. Mynychodd ysgol y pentre, Ysgol Ramadeg Dyffryn Aman a graddiodd yn y Saesneg ym Mhrifysgol Abertawe. Bu yn athro ar hyd ei oes – yn Llundain, Ysgol Berwyn y Bala a phennaeth yr Adran Saesneg yn Ysgol Gyfun Gymraeg Ystalyfera. Tra yno meithrinodd llawer tîm siarad cyhoeddus a fu yn hynod lwyddiannus mewn gornesu Prydeinig. Un a gyflwynod werthfawrogiad o Dafydd fel athro oedd Sian Lloyd sydd yn cyflwyno’r Tywydd ar ITV. Mae Dafydd yn lenor ac yn awdur. Enillodd y Gadair yn Eisteddfod Genedlaethol yr Urdd ym Mrynaman ac y mae wedi cyhoeddi nifer o nofelau yn enwedig i blant. Mae yn aelod o Gyngor Tref Cwmaman ac yn gyn-faer.

LLYWYDD NEWYDD

2011-07-09T13:06:00.001+01:00

Ar ddiwrnod hyraf y flwyddyn, Mehefin 21ain, roedd capel Gellimanwydd, Rhydaman, am y tro cyntaf yn ei hanes, yn gyrchfan i chwiorydd yr Annibynwyr, Talaith y De, i’w cyfarfod blynyddol. Yn ystod y gwasanaeth cafodd Bethan Thomas, Tycroes yn cael ei hurddo yn Lywydd yr Adran gan olynu Mrs. Carys Williams, gweddw’r diweddar Barchedig Meurwyn Williams, Rhosaman.

Bu Bethan yn Ysgrifennydd Talaith y De am nifer fawr o flynyddoedd a chael cyfle i gwrdd a gweithio gyda chwiorydd o Gasnewydd i Aberdâr ac i Lambed. Hi yw Ysgrifennydd Gellimanwydd, yn athrawes Ysgol Sul ac yn gyfrifol am drefnu y Drws Agored a gynhelir yn Neuadd Gellimanwydd bob bore Iau. Y mae hefyd yn Drysorydd Cangen Rhydaman o Ferched y Wawr ac yn aelod o bwyllgor Pensiynwyr Tycroes.

Yn ystod y gwasanaeth yng Ngellimanwydd roedd grŵp o chwiorydd o’r Adran Genhadol, sef aelodau o Moreia, Tycroes, Y Gwynfryn a Gellimanwydd, Rhydaman yn cyflwyno eitem. Mrs. Hazel Charles Evans, Llandybïe oedd yn annerch.

Codi Arian

2011-07-09T13:05:00.000+01:00

Miss Stephanie Davies

Mae sawl ffordd o godi arian at amrywiol elusennau a gan nad oes casglu o dŷ i dŷ bellach ym mhentref Tycroes yn ystod Wythnos Cymorth Cristnogol cafodd Stephanie Davies y syniad o greu Cwis Emynau. Bu wrthi’n ddygn yn paratoi cwis yn seiliedig ar ‘Caneuon Ffydd’, ‘Y Caniedydd’, ‘Caniedydd yr Ifanc’ a ‘Cydymaith Caneuon Ffydd’. Mae yna ôl llafur mawr arno ac fe edrychir ymlaen yn eiddgar i wybod pwy fydd yr enillydd.

Mae Stephanie yn gweithio yn y DVLA yn Nhreforys, yn Ysgrifennydd Cymanfa Ganu Gyd-enwadol yr Annibynwyr a’r Methodistiaid Ardal Rhydaman a’r Cylch ac yn Is-organydd capel Moreia, Tycroes.

Da iawn Stephanie. Mae llawer o bobl wedi cael crin hwyl a chrafu pen yr un pryd wrth geisio cwblhau’r cwis. Mae’r elw yn mynd tuag at ymgyrch Moreia i Wythnos Cymorth Cristnogol.

RAS TRAP - SHANE WILLIAMS YN DENU TYRFA

2011-07-07T21:46:00.000+01:00

Bu Râs Hwyl Trap, y 24ain yn ei hanes yn llwyddiant ysgubol gyda 200 o bobol o bob oed ac o bob cwr o Dde a Gorllewin Cymru yn cymryd rhan. gan gynnwys nifer fawr o ardal y Glo Mân. Dechreuwyd y ddwy râs gan Shane Williams a chafwyd awyrgylch cyfeillgar braf yma eleni eto - mae hyn yn nodweddiadol iawn o'r digwyddiad hwn ac yn sicr mae'n un o'r rhesymau dros y llwyddiant mae wedi mwynhau ar hyd y blynyddoedd. Ennillydd y Râs agored (4.7 milltir) oedd Dewi Griffiths Llanfynydd (24 munud. 30 eiliad) tra y ferch cyntaf oedd Jade Williams, Rhydaman (29.48) - y ddau yn gwneud y cyfan i edrych mor rhwydd!. Cafwyd perfformiadau gwych yn y Râs Iau (2.8 milltir) gan Christian Lovatt, Rhydaman wrth iddo ennill mewn 16munud 48 eiliad am y bedwaredd tro yn olynnol. Aeth bron i dair munud heibio cyn i'r rhedwr nesa' gyrraedd, ond er syndod i bawb, merch 12 oed oedd y nesaf i groesi'r llinell, sef Amber Howell o Betws (19.23). Mae 'r ddau yn athletwyr disglair, mae'n amlwg.

Bydd elw'r râs eleni yn cael ei rannu rhwng y Sioe a 'Brainstrust', elusen Meg Jones at gancr yr ymennydd. Diolch i bawb a gymrodd rhan.

Cadeirydd Sioe Trap sef Randall Humphries, Forge House, Llandyfan yn cyflwyno llun i Shane Williams am ddod i ddechrau Râs Trap am y drydedd flwyddyn yn olynnol. Hefyd yn y llun mae Llywyddion a Noddwyr y Râs Simon Griffiths (SJ Griffiths a'i Fab) a Arwyn Williams (Gelli Plant). Yn y cefndir mae'r plant yn paratoi at ddechrau'r râs.

Mae Darryll Gittins o Bancyfelin, Llandyfan (canol) yn gwybod yn iawn am y cymorth a'r gefnogaeth mae elusen 'Brainstrust' yn cynnig i bobol sy'n dioddef o gancr yr ymennydd. Rhedodd ei ddau fab Luke ac Adam (Ch-Dde rhes gefn) a'u ffrindiau Sam Carden, Llandyfan (rhif 6) a David Jenkins, Llandeilo (rhif 5) yn y râs yn arbennig i godi arian ac ymwybodaeth am yr elusen. Hefyd yn y llun mae Arwyn Williams (Gelli Plant), Simon Griffiths (SJ Griffiths a'i Fab), Randall Humphries, Cadeirydd y Sioe, a Jeff Phillips (Brecon Water).

Lisa Thomas, Derwen Fawr Llandybie a'i merched Charlotte a Olivia yn cael eu llongyfarch gan Jeff Phillips, Rheolwr Brecon Water.

Jeff Phillips Rheolwr Brecon Water yn llongyfarch y tim buddugol sef Ysgol Gyfun Rhydaman Chwith - dde Jacob Lylles, Kieran McKaye a Christian Lovatt

Genedigaeth

2011-07-05T15:18:00.000+01:00

Llongyfarchiadau i Rhys a Julie Thomas, Ffinant, 32 Heol y Cyrnol, Betws ar enedigaeth eu plentyn cyntaf Efa Nel ar ddydd Iau,Ebrill 28ain. Mae Efa yn wyres i Harri a Wendy Thomas, Cymer House, Betws a Handel a Susan Davies, Aberlash, ac yn gyfneither fach newydd i Mari, Dafydd, Elen a Marged.

LLongyfarchiadau i Lowri (gynt o Brynffin y Betws) a James, ar enedigaeth mab, Iestyn. Mae'r teulu i gyd yn ymfalchio yn yr un bach a dymunwn bob hapusrwydd iddynt i'r dyfodol.

Bwrlwm Bro yr Ysgolion Sul

2011-07-04T23:25:00.000+01:00

Dydd Sul 22Mai am 10.30 cynhaliwyd Bwrlwm Bro’r Ysgolion Sul yn Neuadd Gellimanwydd, Rhydaman. Daeth criw da ynghyd o gapeli Brynaman, Capel Hendre Llangennech Pontarddulais, a Rhydaman,

Mr Nigel Davies, Swyddog Swyddog Plant / Ieuenctid, Menter Ieuenctid Cristnogol Sir Gâr oedd yn gyfrifol am y bore. Drwy gyfrwng PowerPoint a fideo cawsom hanes iachau'r dynh dall. Yna cafodd y plant gyfle I gymryd rhan mewn gweithgareddau a gemau yn seilidig ar yr hanes.

Prif bwrpas Bwrlwm Bro yw calonogi gwaith yr Ysgol Sul trwy roi cyfle llawn hwyl i blant gymdeithasu a dysgu yng nghwmni ei gilydd. Roedd y sesiwn wedi ei gynllunio’n ofalus o gwmpas hanes “ iachau y dyn dall ger Pwll Siloam” ac yn cynnwys amrywiaeth o weithgareddau cyffrous.

Cafodd y plant brofiad llawn hwyl, tra ar yr un pryd cyflawni amcan yr Ysgol Sul o gyflwyno efengyl Iesu Grist mewn ffordd syml, ddealladwy a pherthnasol ar gyfer heddiw.

Y gweithgaredd nesaf bydd Mabolgampau Dan Do ar gyfer Ysgolion Sul / clybiau Cristnogol sir Gaerfyrddin Dwyrain Sir Gâr yng Nghanolfan Hamdden Rhydaman ar Nos Lun Gorffennaf 11eg.

BBC CYMRU - BWLETIN

2011-07-02T10:53:00.000+01:00

Nos Iau, Mai 26ain, recordiwyd rhifyn o'r rhaglen radio Bwletin yn Nhafarn y Tregib, Brynaman, ac fe'u darlledwyd Nos Wener Mai 27ain ar Radio Cymru, gydag ail-ddarllediad ar y Sadwrn, Mai 28ain. Er mai siomedig oedd y nifer yn y gynulleidfa, cafwyd llawer o chwerthin yng nghwmni'r digrifwyr i gyd. Yn y llun gwelir Arfon Haines Davies, Kevin Davies, Gary Slaymaker (cyflwynydd), Ifan Gruffudd a Phil Evans, ac o'u blaen, Jay Joseph, perchennog y Tregib.
Cafodd y criw groeso brwd gan Jay a'i wraig, Jacqui, sydd wedi gweithio'n galed i roi gweddnewidiad i lolfa'r Tregib yn ddiweddar, a'i droi yn fwyty.Mae'n siwr y bydd yr un croeso yn aros holl drigolion yr ardal os galwant i mewn i'r Tafarn hanesyddol hwn yn y pentref.

Ym mlwyddyn y cofio - Parchg Gomer Roberts

2011-06-30T11:26:00.000+01:00

Mae'r côf am Gomer Roberts yn dal yn fyw iawn yn meddyliau bobl "Y Pethe" yn yr ardal yma ac yn enwedig yng Ngosen Llandybie. Yr ydym yn dal i ryfeddu sut gwnaeth plentyn a oedd yn un o unarddeg o blant ac o gefndir gweithiol cyffredin Iwyddo i'r fath raddau o gofio iddo adael yr ysgol yn 13 oed i weithio yn y gwaith glo Ileol (Pencae). Fe ddaeth yn brif hanesydd yr Enwad a chyhoeddodd tua 40 o lyfrau ac yntau ar yr un pryd yn weinidog prysur.

Mynychodd dosbarthiadau'r WEA ac fe sylweddolodd ei gyd ddisgyblion (a oedd yn cynnwys Amanwy) fod talent aruthrol ganddo ac fe aethant ati i godi arian trwy gyhoeddi a gwerthu Ilyfr o farddoniaeth eu hunain - 0 Lwch y Lofa. Gwnaed elw o £30 a chyda cefnogaeth ei gyd- weithwyr, bu'r arian yn gymorth iddo fynd i'r coleg.

Yr ydym yn Ngosen yn gwybod fod talentau eraill ganddo. Roedd yn un deche (i ddefnyddio gair Ileol) gyda'i ddwylo a chyn iddo farw fe roddodd Mrs. Dilys Dixon (nith Gomer) y gwaith rhyfeddol a welir yn y Ilun fel rhodd i’r eglwys er côf am Gomer. Fel y gwelwch mae Gweddi'r Arglwydd wedi ei cherfio o bren (fretwork) a'i fframio - gwaith Ilaw Gomer ei hun.

Mae'n ddiddorol dyfalu paham y gwnaeth hwn yn yr iaith fain and does na ddim ateb i hynny. Mewn sgwrs a gefais gyda Mrs. Mair Edwards Bala (merch Gomer) dywedodd mai cyn mynd i’r coleg y gwnaeth y gwaith ac yr oedd hyn felly cyn ei fod yn ugain oed! Cefais wybod ganddi hefyd ei fod wedi dysgu ei hunan y grefft o rwymo Ilyfrau. Mae côf gan rhai o'r blaenoriaid ohono yn chwarae'r organ a chadarnhaodd Mair ei fod wedi dysgu ei hunan i chwarae piano pan yn ifanc hefyd.

Gobeithio y bydd y llun a'r cefndir o ddiddordeb i ddarllenwyr Glo Mân gan ei fod yn ehangu ein gwybodaeth a'n gwerthfawrogiad o athrylith mawr -- y diweddar Parchedig Ddr Gomer M.Roberts.

Trefor Evans, Llandybie

Ysgol Gymraeg Gwaun Cae Gurwen - Beirdd o fri!

2011-06-28T22:56:00.000+01:00

Ar ddechrau’r flwyddyn fe wnaeth disgyblion blwyddyn 5 a 6 cystadlu yng ngystadleuaeth barddoniaeth. Y dasg oedd i ysgrifennu cyfres o gerddi Saesneg gyda’r gobaith i gyhoeddi gwaith yr enillwyr.

Ar Dydd Iau, Mai 5ed, derbyniodd yr ysgol llythyr yn cyhoeddi bod 15 o ddisgyblion yr ysgol wedi bod yn lwyddiannus yn y gystadleuaeth. Edrychwn ymlaen at weld eu gwaith mewn llyfr cyhoeddedig erbyn mis Gorffennaf. Llongyfarchiadau mawr i chi gyd!

Merched y Wawr Cangen GwaunGors

2011-06-28T22:49:00.002+01:00

Yng nghyfarfod Mis Ebrill croesawodd ein Llywydd Bethan Williams ein gwraig wadd Mrs Mair Wyn atom yn gynnes. Mae hi’n wraig brysur iawn gyda llawer o ddiddordebau. Un o Drimsaran yw hi a dylanwad ei theulu a’r diwylliant yn pentref yn drwm arni. Dechreuodd gystadlu mewn eisteddfodau yn ifanc iawn ac yn dal i wneud. Rhannodd rai o’i hoff gerddi gyda ni, gan amrywiaeth o feirdd. Dechreuodd gyda ‘Y Border Bach’ gan Crwys, chloi gyda cherdd T. Llew Jones ‘Cwmalltcafan’. Diolchwyd iddi am noson ddifyr a hwylus gan Bethan.

Penblwydd yn 80 oed

2011-06-24T19:23:00.000+01:00

Mefus y Gelli gyda Dai ei Gŵr yn Ne Affrig

Llongyfarchiadau mawr i Mrs Mefus Williams, Fferm y Gelli, Glanaman ar gyrraedd ei 80 oed yn ddiweddar. Cafodd Mefus ei geni ym Maesybont gerllaw Carmel ac roedd ganddi ddau frawd. Tyddyn bach oedd y cartref a’i thad yn lowr wrth ei alwedigaeth. Mynychodd Mefus Ysgol Maesybont ac yna Ysgol Llandybie. Gorffennodd ei dyddiau ysgol yn 1945 ac aeth i weithio yn Ysbyty Penlan, Caerfyrddin am chwe blynedd. Yna bu gorfod iddi rhoi’r gorau i’w swydd a dychwelyd adre i helpu ei mam oherwydd salwch ar yr aelwyd. Roedd Mefus yn hoffi mynd i glybiau’r Ffermwyr Ieuanc ac un noson aeth i ddawns oedd yn cael ei chynnal yn Neuadd y Pale yn y Garnant lle cyfarfu â Dai, ei gŵr. Priododd â Dai yn 1955, diwrnod ar ôl cael ei 24 oed, yng Nghapel Milo ac ymgartrefodd y pâr ifanc yn Fferm y Gelli. Roedd teulu Dai yn wreiddiol o Nantycrugle, ond erbyn hyn, mae fferm y Gelli wedi bod yn ei deulu am bedair cenhedlaeth. Pan briodon nhw, roedd Dai yn ei waith dyddiol yn dreifio injin yn y gwaith Glo Brig gerllaw, a Mefus adref yn codi ei theulu.

Mae ganddynt chwech o blant – Margaret Wyn, yr hynaf, yn Ofalwraig Yswiriant Antur yn Rhydaman, Irene yn Ohebydd Papur Newydd yn Ne Affrig ac wedi rhoddi cyfweliad i Nelson Mandela. Mae Lucie yn byw yn Llandeilo ac Enid yn Llandybie, mae Arwyn yn gweithio adref gyda pheiriannau y Gelli Plant, a Sarah yn cael ei chyflogi yn Yswiriant Antur gyda Margaret Wyn, ei chwaer. Mae Mefus a Dai bellach yn Famgu a Thatcu i un-ar-ddeg o wyrion, gyda’r hynaf, Sian, yn ddau ddeg pedwar oed a’r ieuengaf, Eirin Mai, ond yn chwech wythnos oed.

Mae Capel y Tabernacl, Glanaman yn agos iawn at galon Mefus ac mae wrth ei bodd yn gweld ei theulu yn mynychu’r Ysgol Sul yno.

Dymunwn bob hwyl i Mefus i’r dyfodol a iechyd da. Gobeithio ichi fwynhau’r penblwydd arbennig hwn, Mefus, ac hefyd y dathliad o fod yn briod am 56 mlynedd.

CYLCH Y CHWIORYDD - GIRL GUIDES - TYCROES

2011-06-22T22:01:00.000+01:00

Côr y ‘Guides’ a ‘Rangers’ Tycroes

Mewn cyfarfod yn ddiweddar o Gylch y Chwiorydd croesawodd y Cadeirydd, Jan Thomas, yr aelodau ynghyd â’r gwesteion, sef rhai o aelodau ‘Guides’ a ‘Rangers’ y pentre. Maent yn cyfarfod yn wythnosol yn Neuadd yr Eglwys o dan arweiniad Louise Jones. Merch Ann Robinson (gynt Trussler) yw Louise a daeth yn olynydd i’w mam fel arweinydd y grŵp.

Cawsom amser hynod ddifyrus gyda pharti yn canu rhai o ganeuon poblogaidd Abba. Cymaint oedd y mwynhad fel bod rhai o’r gylch yn cyd-ganu gyda’r parti. Rhoddodd Jessica Ham ddwy unawd o ganeuon poblogaidd. Bu ei mam hithau, Rhian Ham, yn arweinydd y grŵp yn y gorffennol.

Diolchwyd i Louise ynghyd â Nia Griffiths a Rhian Phillips – dwy chwaer fu’n cynorthwyo a talwyd teyrnged iddynt am eu gwaith gwirfoddol yn y pentre. Holwyd Louise ar weithgareddau’r ‘Guides’. Deallir eu bod yn brysur ac yn cyfarfod yn wythnosol yn ‘Fantasia’ yng Nghapel Hendre yn paratoi gogyfer â’r sioe ‘The Wizard of Oz’. Maent hefyd yn ymdrechu i godi arian er mwyn anfon tair merch anabl i wersyll yn Brisbane, Awstralia. Ar Sul, Mai 18fed, gwelwyd y merched yn yr Ardd Fotaneg yn gwerthu ‘doughnuts’ ar Ddydd Cenedlaethol y ‘Doughnut’. Pwrpas hyn oedd codi arian at amrywiol elusennau teilwng.

Y merched yn y Gerddi Botaneg yn codi arian i Hospis Cenedlaethol y Plant yn ystod Wythnos Cenedlaethol y ‘Doughnut’

Ar Fehefin 20fed mae’r grŵp yn estyn gwahoddiad i bentrefwyr dros yr hanner cant oed i Neuadd y Pentre, i fwynhau scons a the gyda chyngerdd ysgafn yn dilyn. Pwrpas hwn ydyw codi arian i gwrdd â chostau teithio i Eisteddfod yr Urdd yn Felindre, Abertawe. Bu’r Parti Cân Actol yn llwyddiannus yn Eisteddfod y Sir ac maent yn edrych ymlaen yn eiddgar at gystadlu yn Eisteddfod Genedlaethol yr Urdd. Dymunwn bob llwyddiant i Louise, y ddwy ferch sy’n cynorthwyo a’r ‘Guides’ yn eu hymdrechion. Talwn deyrnged iddynt am eu cyfraniad amhrisiadwy i ddyfodol merched ieuainc y pentref.

ABERTAWE'N FFLAM

2011-06-12T14:30:00.000+01:00

Gall neb amau – taw Abertawe oedd canolbwynt sylw Cymru a thu hwnt yn ystod wythnos gwyliau’r Sulgwyn. Gyda Mr Urdd yn troedio tir Tawe a’r sioe gerdd uwchradd yn cofio’r ddinas yn wenfflam yn ystod yr Ail Ryfel Byd – roedd yr alarch hefyd yn arnofio’n falch wrth i Abertawe ennill ei lle yn y prif Gynghrair pêl-droed!
Yn sicr – chwythodd fflamau llwyddiant dros Abertawe!

Y GYMANFA GANU UNDEBOL

2011-06-12T14:28:00.000+01:00

Dydd Sul 17 Ebrill ar Sul y Blodau cynhaliwyd Cymanfa Ganu Undebol Rhydaman a'r Cylch yng Nghapel Gellimanwydd. Daeth aelodau a ffrindiau o gapeli Gellimanwydd, Y Gwynfryn, Moreia, Seion, Capel Newydd, Bethani, Gosen, Capel Hendre, Caersalem ac Ebeneser ynghyd i gymryd rhan yn y Gymanfa.

Yr Arweinydd oedd Mr Eifion Thomas, Llanelli, Mae Mr Thomas yn adnabyddus drwy Gymru gyfan fel arweinydd Cor Meibion Llanelli ac yn denor dawnus. Cafodd Mr Thomas gefnogaeth broffesiynol medrus Mrs Gloria Lloyd yn ystod y ddwy oedfa.

Roedd Gymanfa'r plant yn y bore am 10.30 ac yna Gymanfa'r oedolion am 5.30 yr hwyr. Cawsom Gymanfa gwerth ei dathlu yng nghwmni Eifion Thomas ac roedd yntau yn cael y gorau allan o'r plant a'r oedolion.

Sefydliad y Merched Sir Gar

2011-06-10T22:55:00.000+01:00

Nos Wener 16 Ebrill yn Neuadd y Dre Llanelli lasiwyd llyfr i ddathlu pen-blwydd Ffederasiwn Sefydliad y Merched Sir Gâr yn 85 oed, sef ail gasgliad o gerddi Aelodau Sefydliad y Merched Sir Gâr 'Sgwd yr Awen' gan gynnwys braslun o hanes y Ffederasiwn gan Megan Hopkin Thomas, SyM Garnant a Rhagair gan y Prifardd Mererid Hopwood.

Enillodd Mrs Marryl Bradley, Sefydliad y Merched y Betws, y gystadleuaeth am llun y clawr.

Mae'r gyfrol yn cynnwys tua 85 o gerddi o waith 27 o aelodau SyM Sir Gâr, yn eu plith Siwla Virago a gangen Saron a pedair aelod o gangen Trap, megis Mave Alexander, Judith Howells, Cherie Williams a Beryl Owen

Yn y llun (chwith i'r dde) yn eistedd Zena Jenkins, SyM St Cynnwr (Cadeirydd y pwyllgor Ad Hoc a Golygydd); Marryl Bradley, SyM Betws Rhes gefn :Y Cynghorydd Meryl Gravell, Pat Thomas a Beryl Owen SyM Trap (Golygyddion), a Amaryllis Stock (Cadeirydd SyM Sir Gâr).

Ysgol y Blaenau

2011-06-10T22:25:00.000+01:00

Ar Ddydd Gwener Ebrill 1af 2011 fe wnaeth ein tim rygbi blwyddyn 4 gymeryd rhan yn y gystadleuaeth flynyddol 7 bob ochr yn Bancyfelin. Fe chwaraeodd y tim yn arbennig o dda, gan golli yn y gem derfynol a gorffen yn ail yn yr holl gystadleuaeth. Bu dros 200 o blant yn cymeryd rhan, a choronwyd chwaraewr o Ysgol Blaenau, Joe Lewis, yn Chwaraewr y Gystadleuaeth gyfan.

Ar Ddydd Gwener Mai 6ed roedd tim rygbi Ysgol Blaenau yn cystadlu mewn gwyl rygbi ym Mharc y Scarlets cyn y gem Llanelli Scarlets yn erbyn Gleision Caerdydd.

CINIAWA AR-Y-CYD - Cylchoedd cinio Rhydaman a Tybie

2011-06-07T09:01:00.000+01:00

Calvin Davies, Elfan Bell, Arwel Davies

Ers blynyddoedd bellach mae Cylchoedd Cinio Cymraeg Tybïe a Rhydaman wedi dod at ei gilydd i ginio ym mis Ebrill. Eleni tro Tybïe oedd gwahodd Rhydaman i ginio yng Nghlwb Golff Glynhir.

Roedd dros hanner cant yn bresennol. Cafwyd noson arbennig gyda bwyd blasus a’r prif westai, Elfan Bell, cyfreithiwr yn Rhydaman, yn hynod ddiddorol. Aeth â ni yn ôl i gyfnod Hywel Dda a hyd yn oed cyn hynny gan brofi faint oedd Cymru ar y blaen i Loegr mewn tegwch ym myd y gyfraith. Yn Lloegr y brenin fyddai yn penderfynu a oedd rhywun yn euog ai peidio ond yng Nghymru rhaid oedd cael nifer o dystion i brofi euogrwydd person. Yng Nghymru, yn wahanol i Loegr, roedd y dynion a’r marched yn gyfartal yng ngolwg y gyfraith.

Lllywydd y noson oedd Arwel Davies, Cadeirydd Cylch Cinio Tybïe ac fe wnaed y diolchiadau gan Calvin Davies, Cadeirydd Rhydaman.

Penblwydd yn 90 oed

2011-06-06T23:37:00.000+01:00

Bydd y 7fed o Fehefin yn ddiwrnod arbennig iawn i Mrs.Sadie Rees, Glanaman am ei bod yn dathlu ei phenblwydd yn 90 oed ar y diwrnod hwnnw.. Yn y llun, gwelir Sadie gyda’i hannwyl ddiweddar ŵr, Terry, a fu’n gefn cadarn iddi dros y blynyddoedd. Ganwyd Sadie ym mwthyn Llwyn Du ar Heol Tircoed, a phan oedd yn ifanc iawn symudodd y teulu lan i Benrhyncoch Uchaf ar y mynydd. Mynychodd SadieYsgoldy’r Mynydd Du gyda’i dwy chwaer am flynyddoedd a thra bu’r Ysgoldy ar agor, roedd hi byth yn colli Te Parti Blynyddol y Mynydd Du. Cafodd fagwraeth yn llawn dysg crefyddol ac y mae’n dyst i hyn hyd heddiw gan ei bod yn hyddysg yn ei Beibl o’r dechrau i’r diwedd ac mae’n gwybod sawl emyn ar ei chôf. Bu’n rhaid iddi adael y Cownti Sgŵl yn ifanc er mwyn helpu ei mam i garco’i brawd bach adre ar y fferm. Er hynny, aeth ymlaen i wneud gwaith clerigol yn Ysbyty Treforus a hoffai weithio yn yr adran ddamweiniau. Daeth yn amser i Sadie briodi ei hannwyl Terry a chawsant dri o blant, sef Eirian, Aelwyn a Derith. Buont yn byw ar y Twyn am gyfnod ac yna yn Rhif 8 Heol Grenig yng Nglanaman am flynyddoedd lawer. Erbyn hyn, mae wedi ymgartrefu yn Rhif 2 Bro Ryan. Mae ganddi deulu crand ac mae wrth ei bodd yng nghwmni’r wyron a’r gor-wyron.

Bu Sadie yn aelod ffyddlon yng nghapel Bethesda, Glanaman, ac yno cafodd y pleser o fod yn Athrawes dosbarth y bobl ifanc yn yr Ysgol Sul ac fe’i gwnaed yn Ddiacones pan oedd ond yn 35 oed. Teg felly oedd iddi gael ei hanrhydeddu gyda’r Fedal GEE am ei gwasanaeth i’w Chapel a chafodd hefyd y fraint o fod yn Llywydd Mudiad Chwiorydd Bedyddwyr Cymru. Mae ganddi stori hyfryd amdani yn mynd i Gaerdydd i fod ar y rhaglen ‘Adnabod y Gair’ gyda dwy o’r ffyddloniaid ym Methesda. Buont yn agos iawn i ennill y brif wobr ond cawsant wobr o £300 i’w Capel gyda chlod uchel gan y beirniaid. Diddorol iawn yw cael bod yng nghwmni Sadie a’i chlywed yn olrhain hanes hen gymeriadau’r ardal am fod ganddi gof aruthrol. Bydd wrth ei bodd gyda’i theulu ar achlysur arbennig ei phenblwydd yn 90 oed. Mwynewch eich diwrnod, Sadie, ac rydym ni, eich ffrindiau, yn dymuno pob bendith a iechyd da i chi i’r dyfodol.

Cymanfa’r Pasg

2011-06-06T23:34:00.002+01:00

Cynhaliwyd Cymanfa Undebol Cwmaman yng Nghapel Bethesda, Glanaman ar fore Sul y Blodau eleni. Y Llywydd oedd Mrs. Derith Powell, Capel Bethesda, ac fe groesawodd bawb i’r oedfa arbennig hon. Rhoddodd gyflwyniad arbennig i’n Harweinyddes eleni sef Mrs.Janet Bowen-Jones, Castell Nedd, ac roedd yn ysbrydoliaeth unwaith yn rhagor i’w chael i’n harwain. Ein Horganyddes oedd Mrs.Olwen Richards, Rhydaman a gyflawnodd ei swydd yn raenus fel arfer. Darllenwyd rhan o’r Ysgrythur yn ystyrlon iawn gan Nyri Cynningham, Bethel Newydd, a chafwyd gweddi angerddol gan Rhian Jones, Bethesda,. Ynghanol y Gymanfa, cafwyd eitem gan dair o chwiorydd Capel Bethel Newydd, sef Pat Davies, Carol Howells a Mair Wyn, a dewiswyd darlleniadau gwych ganddynt. Diolchodd y Parchedig Peter Davies i bawb a gymrodd rhan a rhoddodd glod arbennig i’n Harweinyddes am dynnu allan o bawb ohonom y canu gorau. Cafwyd gweddi bwrpasol ganddo i gloi’r oedfa arbennig hon. Dymuna’r Pwyllgor ddiolch i bawb a’n cefnogodd eleni eto a gobeithiwn y bydd ein Cymanfa yn mynd o nerth i nerth yn y dyfodol.

Ysgol Llandybie -Eisteddfod yr Urdd 2011

2011-06-06T23:33:00.000+01:00

Bu'r brwdfrydedd yn Ysgol Llandybie yn fawr wrth baratoi am Eisteddfod Yr Urdd eleni eto.

Cynhaliwyd eisteddfod ysgol ar y cyntaf o Fawrth ac yna aeth llawer o gynrychiolwyr ymlaen 1'r eisteddfod gylch yn Rhydaman ar y pumed o Fawrth . Cawsom ddiwrnod llwyddiannus dros ben gyda'r cystadlaethau yma'n cipio'r wobr gyntaf.

1. Adrodd dan wyth - laf Cerys Bowen
2. Unawd 8-10 -1af Megan Jones
3. Unawd 10-12 - 1af Ceri- Ann Lewis
4.Unawd ffidil 1af Melissa Dougan
5.Unawd prês - 1af Seren Lloyd
6.Ensemble dan 12 - I af. Sian James, Annis Wigley, Ceri- Ann Lewis, Bethany Evans

Roedd rhain wedyn yn cystadlu yn ysgol Tregib yn yr Eisteddfod Sir a dyma'r canlyniadau.

Cerys Bowen — 3ydd
Megan Jones — Ail
Ceri-Ann Lewis-Ail
Melissa Dougan- Trydydd Ensemble dan 12- Ail
Seren Lloyd- CYNTAF

Roedd Seren Lloyd felly yn cynrhychioli Ysgol Llandybie a Sir Gaerfyrddin yn yr Eisteddfod yn Abertawe elem.

Wili Aman yn 80 oed - Brynaman

2011-05-31T08:45:00.000+01:00

Ar ddydd Iau, 28 Ebrill, fe ddathlodd un o gymeriadau mwyaf hoffus Brynaman ei benblwydd yn 80 sef Wili Aman Jones o Heol y Glyn ers blynyddoedd bellach ond gynt o Heol Newydd. Mae Wili wedi bod yn ffyddlon iawn i’w bentref drwy ei oes, yn aelod ffyddlon ac yn ddiacon yng nghapel Moriah a chysylltiad agos a hir ag Aelwyd Amanw a hefyd cangen leol o Blaid Cymru.

Cafodd barti i’w gofio yng Nghanolfan y Mynydd Du ar y nos Iau lle death nifer fawr o’i ffrindiau, ynghyd â’i nai Huw a’i deulu i uno yn y dathlu.

Collodd Wili ei fraich dde mewn damwain yn y gwaith glo pan yn grwtyn ifanc ond ni adawodd hyn i’w rhwystro rhag byw bywyd llawn a diddorol.

Yn ystod y parti darllenwyd cyfarchion barddonol iddo o waith Tegwyn Jones o Aberystwyth ar ran Tegwyn , ei wraig Beti (Morgan gynt) a’u mab Rhys.

I Wili Aman

I’r Brenin o Frynaman

Anfonwn ambell Driban;

‘D oes neb a haedda hynny’n fwy

Drwy’r plwy’ na Wili Aman.

Yn ddiwyd, haf a gaea’

Ymdrechodd hyd yr eitha’

I warchod wastad rhag bob cam

Y fflam sydd ym Moreia.

Ei fywyd roes yn gyfan

Er lles ei hoff Frynaman;

Ni fu undyn i’w ardal wiw

Mor driw â Wili Aman.

I Wili, wr bonheddig

Anfonwn yn garedig

Ein dymuniadau gorau’n rhwydd

Ar ei benblwydd arbennig.

Unwaith eto, ar ran ei holl gyfeillion ym Mrynaman a thuhwnt, llongyfarchion i ti Wili a phob bendith i’r dyfodol.

Merched y Wawr Brynaman

2011-05-31T08:32:00.002+01:00

Ar Fawrth 11eg ,bu’r aelodau’n dathlu Gŵyl Ddewi. Eleni, yn wahanol i’r arfer,aethant allan am bryd canol dydd i’r Abercrave Inn. Y gŵr gwâdd oedd Mr. Euros Jones Evans, Ystradowen, ac roedd yn braf cael ei gwmni ef a’i wraig Pat. Yn dilyn y wledd(wir!) cafwyd anerchiad hynod o ddifyr a phwrpasol gan Euros.

Yng nghyfarfod mis Ebrill, y gwestai oedd Marion Fenner, Cwmllynfell. Mae Marion yn adnabyddus fel actores, ond mae hefyd wedi gweithio llawer ym myd colur, gan ymddangos yn gyson ar S4C. Bu’n sgwrsio â’r aelodau am ofal y croen cyn trafod sut i wisgo colur addas yn effeithiol. Er mwyn arddangos hyn, y model am y noson oedd Mrs. Myra Thomas, ac yn wir, roedd yn edrych yn arbennig! Noson ddiddorol ac addysgiadol.

Yna ar Mai 13eg, cynhaliwyd ein arwerthiant blynyddol, gyda rhan o’r elw yn mynd at Gronfa Achub y Plant,- sef elusen Mudiad Merched y Wawr am eleni.

Ymdaith hetiau Pasg - Gwaun Cae Gurwen

2011-05-29T09:38:00.000+01:00

Cynhaliwyd ymdaith hetiau pasg blynyddol yn yr ysgol ar Ddydd Mercher Ebrill 13eg. Roedd yna llu o hetiau wedi’u greu’n greadigol a chafodd enillwyr pob blwyddyn ysgol wy pasg i fynd adref. Diolch am waith caled gan y plant a’r rhieni. Yn ogystal diolchwn i’r llywodraethwyr am gefnogi a gwylio’r ymdaith

Ysgol Gwaun Cae Gurwen - Ymweliad Cresci’s

2011-05-28T09:40:00.000+01:00

Fel rhan o waith thema y dosbarth sef ‘Coginio’ fe aeth dosbarth blwyddyn 5 a 6 Mr Evans i gaffi Cresci i weld ‘Dai’ Cresci gwneud hufen ia. Mwynheuodd y plant yn fawr iawn wrth weld y broses a hyd yn oed cael blas! Diolchwn yn fawr iawn i Mr Dai Cresci.

Merched y Wawr Cangen Gwaungors

2011-05-28T09:34:00.000+01:00

Nos Lun Mawrth 21ain, yn absenoldeb ein Llywydd croesawyd ein gwesteion yn gynnes gan Mrs Sal Samuel, sef Mrs Ann Walters Brynaman a Brenda a John Evans Clydach. Bywyd a Gwaith Abiah Rodreick oedd ganddynt o dan sylw. Cawsom hanes y dyn talentog â dawn arbennig i lunio cerddi o’r doniol i’r dwys, cerddi ar gyfer plant ac oedolion, a storïau byrion. Ysgrifennai yn nhafodiaeth Cwm Tawe .. Cawsom enghreifftiau o’i waith yn cael eu darllen gan Ann Walters a Brenda Evans, a gwrando ar recordiad o Rachel Thomas a George David yn darllen eu storiau. Canodd ‘Bois Y Blacbord’ ei waith, ac i gloi’r noson clywsom Hogiau’r Wyddfa yn canu ‘Tecel’ Diolchwyd iddynt am noson ddiddorol, gan Mrs Sal Samuel hithau fel y gweddill o’r aelodau wedi dysgu mwy am y dyn a ddisgrifiwyd fel ‘tonic’.

Oedfa ar y Cyd - Moreia, Tycroes a Gellimanwydd, Rhydaman

2011-05-27T08:42:00.000+01:00

Ar fore Sul rihyrsal Cymanfa Ganu Undebol Rhydaman a’r Cylch daeth eglwysi Gellimanwydd, Rhydaman a Moreia, Tycroes ynghyd i addoli. Eleni tro Gellimanwydd oedd i wahodd Moreia ac fe gafwyd oedfa o dan arweiniad gweinidog y ddwy eglwys, y Parch Dyfrig Rees, pryd y rhoddodd i ni beth o hanes a chefndir y tonnau a’r emynau a fyddai yn gael eu canu yn rihyrsal y Gymanfa yn oedfa’r hwyr. Paratowyd paned yn y Neuadd ar ôl yr oedfa pryd y cafwyd cyfle i gymeithasu ymhellach.

Rhai o Aelodau Moreia a Gellimanwydd yn mwynhau paned yn y Neuadd ar ôl yr oedfa

Dathlu’r Pentecost

Fe fydd eglwysi Bethesda, Caersalem a Moreia yn dod ynghyd ar Sul y Pentecost, Mehefin 12, i ddathlu’r Sulgwyn. Fe gynhelir yr oedfa eleni ym Moreia am 2.30 y.p. ac fe fydd o dan arweiniad y Parch. Dyfrig Rees. Paratoir lluniaeth ysgafn yn y festri ar ôl y cyfarfod ac fe estynnir croeso cynnes i bawb.

Pensiynwyr y Pentref - Tycroes

2011-05-27T08:38:00.002+01:00

Cynhaliwyd cyfarfod blynyddol yr Adran ym mis Ebrill. Fe ail-ddewiswyd Margaret Davies yn Llywydd, Ryall Rees yn Is-lywydd, Dewi Enoch yn Ysgrifennydd a Mary Rees yn Is iddo gyda Ann Cameron yn Drysorydd. Mi roedd y pwyllgor yn dal i weithredu gyda Mairwen Lloyd yn uno â nhw. Cafwyd adroddiad ariannol iach gan y Trysorydd.

Mae Ryall a Mary Rees yn ôl yr arfer wedi trefnu teithiau’r grŵp dros yr Haf – Gerddi Dyffryn a Chroes Cwrlws fydd y gyrchfan ym Mai. Yna taith ar hyd arfordir Penfro gyda the Victorianaidd fydd hi ym Mehefin; Aberteifi i weld y gôt wlân (cardigan) enfawr ac Aberaeron fydd hi yng Ngorffennaf; yna yn Awst – Y Fenni ac i gloi’r tymor Wells a Street ym Medi. Edrychir ymlaen at y teithiau hynod diddorol hyn eleni eto.

Llwyddiant Ysgubol - Lleisiau'r Cwm

2011-05-26T20:43:00.002+01:00

Llongyfarchiadau mawr i Miss Catrin Huws, Arweinyddes Côr Merched Lleisiau’r Cwm, Côr y Sgarlets a Chôr Merched CANTATA ar ennill pleidlais y gwylwyr yng nghystadleuaeth Côr Cymru yn Aberystwyth yn ddiweddar. Daeth Côr Merched CANTATA yn agos iawn at ennill y brif wobr yn erbyn y pump côr arall a gyrhaeddodd Rownd Derfynol Cymru, a dymunwn well llwyddiant iddynt y tro nesaf. Mae’r Côr hwn wedi cael gwahoddiadau i ganu mewn cyngherddau nid yn unig yng Nghymru ond yn Lloegr hefyd. Dymunwn bob llwyddiant iddynt i’r dyfodol.

YSGOL BLAENAU yn Dathlu Canmlwyddiant

2011-05-25T21:05:00.000+01:00

Mrs Eirlys Powell, y disgybl hynaf a ddaeth yn ol i ddathlu yn torri cacen penblwydd yr ysgol.

Bu dathlu mawr yn ddiweddar ym mhentref y Blaenau sydd rhwng Penygroes a Llandybie wrth i'r trigolion ddathlu penblwydd yr ysgol yn 100 oed. Ar Ddydd Sadwrn Ebrill 2ail 2011fe gynhaliwyd Ddiwrnod Agored Swyddogol Ysgol Blaenau i ddathlu ei chanmlwyddiant . Roedd yn ddiwrnod hynod o lwyddiannus a hyfryd oedd gweld cymaint o gyn-ddisgyblion, staff, rhieni a ffrindiau'r ysgol yn mynychu.

Fe ddechreuodd y Diwrnod gyda Jonathan Edwards ein Aelod Seneddol lleol yn croesawu pawb i'r ysgol ac agor y Diwrnod yn swyddogol. Gyda hyn fe ganodd plant yr ysgol gyda Chor Meibion Llandybie, a Chor Merched Tybie. Yn ogystal fe berfformiodd cyn-ddisgyblion yr ysgol Rhys Jones a Mitch Jones i'r gynulleidfa. Daeth Rhodri Glyn Thomas hefyd i'r Diwrnod Agored i ddathlu ein Canmlwyddiant gyda ni.

Gyda'r eitemau cerddorol wedi sefydlu'r dydd, aeth pawb ati am y prynhawn i sgwrsio a hel straeon gyda hen ffrindiau ysgol. Roedd yn gyfle iddyn nhw manteisio ar y lluniaeth oedd wedi cael ei baratoi gan staff a rhieni'r ysgol, ac edrych ar gannoedd o luniau, llyfrau cofrestr, llyfrau cosb ac ati.

YSGOL Y BLAENAU - RYGBI

2011-05-25T20:56:00.000+01:00

Ar Ddydd Gwener Mai 6ed roedd tim rygbi Ysgol Blaenau yn cystadlu mewn gwyl rygbi ym Mharc y Scarlets cyn y gem Llanelli Scarlets yn erbyn Gleision Caerdydd.

Ysgol Dyffryn Aman ac Urdd Gobaith Cymru

2011-05-14T10:12:00.000+01:00

Llongyfarchiadau mawr i 8 o ferched Bl.12 Ysgol Gyfun Dyffryn Aman ar ennill cymhwyster OCN Lefel 2 mewn Hyfforddiant Grwpiau Ieuenctid Iau. Yn ystod penwythnos yng Ngwersyll yr Urdd Llangrannog bu’r merched yn weithgar iawn yn annog disgyblion Iau’r ysgol i gymryd rhan mewn amryw o weithgareddau hwylus a diddorol yn ogystal â chwblhau’r OCN, fel rhan o Gynllun Llwybrau i’r Brig , Urdd Gobaith Cymru. Prosiect ar y cyd rhwng yr Urdd a’r Cynulliad, wedi ei ariannu gan Gronfa Gymdeithasol Ewrop. Am fwy o wybodaeth am Gynllun Llwybrau i’r Brig yn Sir Gaerfyrddin , cysylltwch â Lowri Evans ar 01267 676652 neu lowrievans@Urdd.org.

Mary Walters - Gwaun Cae Gurwen

2011-05-14T10:05:00.000+01:00

Yn rhan o weithgareddau Diwrnod y Llyfr eleni, cafwyd gyfle i gydnabod dyled yr ysgol i un o’i ffrindiau ffyddlonaf. Dros y ddegawd ddiwethaf a mwy, mae Mrs Mary Walters wedi cerdded i’r ysgol ym mhob tywydd ar fore pob dydd Llun er mwyn gwrando ar blant yn darllen a’u hysgogi i ddarllen mwy. Mae ysgolion bob amser yn falch o unrhyw gymorth sydd ar gaerl, ond rhaid talu teyrnged i ymroddiad Mrs Walters am ei gwaith gyda’r plant dros y blynyddoedd. Yn y llun, gwelir ei anrhegu gan Cyng Lynda Williams, cadeirydd y Llywodraethwyr a Mrs Sandra Rees, sef athrawes y dosbarth lle bu Mrs Walters yn treulio’i hamser. Diolch, diolch o galon.

Cymdeithas Edward Llwyd yn crwydro’r Waun

2011-05-10T23:24:00.005+01:00

Daeth 35 o aelodau’r Gymdeithas ynghyd dan arweiniad Maldwyn James i grwydro ardal y pyllau glo ac i glywed mwy am hanes yr ardal. Bu llawer o drafod am ystyr a tharddiad yr enw Gwaun-Cae-Gurwen gan gyfeirio’n arbennig at y blodyn cregyr gwyn. Felly, yn ôl yr hanes Waun y cregyn gwyn a aeth yn Gwaun-Cae-Gurwen.
Cyfnod llwyddiannus yr ardal oedd rhwng 1850 ac 1920. Enillodd y glo caled ‘anthracite’ sawl gwobr am ansawdd y glo caled led led y byd. Roedd un gwthien sef y Peacock yn 99.6% o garbon pur yn llosgi heb fwg ar dymheredd uchel iawn. Yn ystod y cyfnod llwyddiannus roedd 2,000 yn gweithio yn y pedwar gwaith glo mwyaf a gwelwyd datblygiad rheilffordd yr ardal.

Yn cyd-fynd a hyn roedd tua ugain o addoldai yn y cylch ac yn ôl cyfrifiad 1891 roedd 93% yn mynychu lle o addoliad. Erbyn heddiw lleihau mae’r addoldai a’r addolwyr, ond mae’r ardal yn ymfalchio yn llwyddiant band enwog y Waun dal i fynd.

Mae’r ardal yn ymhyfrydu yn llwyddiant y plant a fagwyd yma: Gareth Edwards, Eic a Huw Llywelyn Davies, yr Archesgob Barry Morgan a Sian Phillips a chlywyd hanes nifer o hen drigolion lliwgar y Waun ar y daith.

Mae’r tipiau glo wedi diflannu erbyn hyn ond mae effaith y gweithfeydd glo brig yn amlwg heddiw. Cawsom dywydd sych wrth i ni ddringo lan i Banc Bryn ac ar draws Mynydd y Betws. Wrth i ni ddod yn ôl drwy Barc Gwledig Ynys Dawela’ ym Mrynaman daeth y glaw trwm ond ni lwyddodd hyn i ddiflasu hwyl yr aelodau. Diolch i bawb am gyfrannu tuag at y sgyrsiau wrth i ni gyd gerdded ardal sydd â llawer mwy o hanes iddi. Rhaid trefnu taith arall yn y dyfodol.

Ceiswyr lloches a ffoaduriaid - Rhydaman

2011-05-10T23:22:00.000+01:00

Mae criw ACT yn cyfarfod yn fisol yn Neuadd Gellimanwydd, sef criw o aelodau ifanc Gellimanwydd, er does dim oedran penodol ar gyfer y criw.

Nos Iau diwethaf, 10 Mawrth, dan nawdd Criw ACT, cawsom noson arbennig yn y Neuadd. Daeth criw o bobl o Abertawe atom. Ceiwsyr lloches neu ffoaduriaid oedd y pobl a daethant atom i son am Abertawe fel dinas Noddfa "City of Sanctuary". Ein Cyn Weinidog y Parchg Dewi Myrddin Hughes oedd wedi creu'r cyswllt hwn a braf oedd cael croesawu Dewi atom i'n plith.

Yn ystod y noson cawsom gyngerdd anffurfiol gyda ein gwestwion yn cymryd rhan drwy ddarllen barddoniaeth, adrodd ychydig o hanes a chwarae Drymiau Affricanaidd. Yna daeth aelodau Gellimanwydd at eu gilydd i ganu ychydig o ganeuon traddodiadol Cymreig, a cawsom eitemau ar y piano gan Rhys Thomas.

Un o uchafbwyntiau'r noson oedd gweld plant Ysgol Sul Gellimanwydd, Mari, Elan a Dafydd yn chwarae'r drymiau gyda'r ymwelwyr.

Wedi'r adloniant cawsom gyfle i fwynhau pryd o fwyd blasus mewn ffurf bwffe bys a bawd oedd wedi ei baratoi gan aelodau Gellimanwydd.

Noson hyfryd gyda neges bwrpasol i ni gyd - mae Dinas Noddfa yn ymgyrch cenedlaethol o bobl lleol a grwpiau cymunedol yn gweithio gyfa'i gilyd di wneud eu trefi a dinasoedd yn lefydd croesawgar, saff ar gyfer pobl sy'n cwhilio am noddfa rhag rhyfel neu erledigaeth.

Yna ar fore Sul 20 Mawrth criw ACT oedd yn gyfrifol am y gwasanaeth boreol. Ceiswyr Lloches oedd y thema. Hyfryd oedd gweld cymaint yn Neuadd Gellimanwydd ar gyfer yr oedfa. Cawsom ein harwain drwy weddi, darlleniadau, emynau, caneuon, adroddiadau a sgetsus at yr angen am Noddfa arnom i gyd.

Diolch i bawb oedd yn gyfrifol am yr oedfa arbennig.

Mudiad Cenhadol y Chwiorydd - Rhydaman a Tycroes

2011-05-07T09:36:00.000+01:00

Y llywydd newydd, Mrs. Carol Anne Lewis, Moreia ynghyd â’i rhagflaenydd Mrs. Mairwen Lloyd, Gellimanwydd

Mae’r mudiad uchod bellach yn drigain oed. Ar gais y diweddar annwyl Dr. D. Tegfan Davies, gweinidog Gellimanwydd ar y pryd, fe fu Mrs. Mary Elizabeth James, Gellimanwydd alw cyfarfod o chwiorydd y bedair eglwys a berthynai i gylch y Gymanfa Ganu Gwener y Groglith sef Gellimanwydd a’r Gwynfryn, Rhydaman, Moreia, Tycroes a Seion, Llandybïe i ffurfio Adran Genhadol y Chwiorydd. Daeth y llywydd cyntaf o Foreia, sef Mrs. S. A. Mathias; Mrs. Mary Elizabeth James, Gellimanwydd yn ysgrifennydd, Mrs. Stephens o Seion yn drysorydd a Mrs. Peggie Thomas, Y Gwynfryn yn is-lywydd. Penderfynwyd cwrdd yn fisol gyda the syml yn dilyn pob cyfarfod. Mi fyddai casgliad a thâl am y te a’r arian i gyd yn mynd at waith y Genhadaeth Dramor (London Missionary Society) bryd hynny.

Bu ganddynt ymgyrch i gasglu sylltau (5c) o gylch aelodau’r eglwysi na berthynai i’r adran. Bellach bore coffi a gynhelir er mwyn chwyddo’r coffrau. Mae’r adran wedi cyflwyno miloedd o bunnau at waith y genhadaeth (Council for World Mission) ac yn dal i wneud gan gynnwys cyfraniad at waith MIC – Mudiad Ieuenctid Cristnogol – yma yn ein hardal ni.

Mae’r adran yn dal i gyfarfod yn gyson ac yn mynd, fel yr awgrymwyd yn wreiddiol, o gapel i gapel o fis i fis er bod Seion, Llandybïe wedi tynnu allan o’r adran ers blynyddoedd bellach. Yn ystod eu bodolaeth mae nifer o genhadon o wledydd tramor wedi ymweld â’r adran, e.e. Miss Gwyneth Evans,

Madagascar

sy’n byw bellach mewn cartref preswyl yng Nghil-y-bebyll

Yn y cyfarfod blynyddol eleni a gynhaliwyd yn y Gwynfryn ym mis Mawrth urddwyd y llywydd newydd sef Mrs. Carol Anne Lewis ar ran Moreia. Mrs. Mairwen Lloyd, gwraig Wyn Lloyd o Dycroes gynt, ar rhan chwiorydd Gellimanwydd a drosglwyddodd Beibl y mudiad i Mrs. Lewis. Rhodd gan y Parch. D. Tegfan a Mrs. Sarah Davies yw’r Beibl ac ar y ddalen flaen gwelir gomisiwn i’r adran yn ysgrifen goeth arbennig Dr. Tegfan.

Yn Mis Ebrill cyflwynodd nifer o’r chwiorydd eitem ar lafar a chân yng nghyfarfod blynyddol Adran Chwiorydd Cyfundeb Dwyrain Caerfyrddin a Brycheiniog ym Mhontyberem. Ym mis Mehefin fe fydd Cyfarfod Blynyddol Adran Chwiorydd Talaith y De yn cael ei gynnal am y tro cyntaf erioed yng Ngellimanwydd a Mrs. Bethan Thomas, Tycroes yn derbyn Beibl y Mudiad a’i hurddo yn llywydd gan Mrs. Carys Williams, gweddw’r diweddar Barch. Meurwyn Williams, Brynaman.

Cor Meibion Llandybie

2011-05-05T22:36:00.000+01:00

Dyma lun diweddaraf o gor Meibion Llandybie. Bydd y cor yn cynnal eu Cyngerdd Mawreddog Blynyddol yn Neuadd Goffa Llandybie ar Nos Wener 13 Mai. Dewch i gefnogi un o'r corau meibion hynaf yng Nghymru a sefydlwyd yn 1908 - cewch wledd o ganu. Harriett Webb y Mezzo-soprano yw'r gwestai.

Mae'r cor yn croesawu aelodau newydd yn gynnes iawn. Bob Nos Fawrth a nos Iau am 7 o'r gloch yn Neuadd y Pensiynwyr mae'r cor yn cyfarfod o dan arweiniad Mr Alun Bowen gyda Mr Jonathan Rio yn cyfeilio.

Dosbarth Beirdd y Mynydd Du - Cwmaman

2011-05-05T22:28:00.000+01:00

Bu rhai o feirdd y Cwm yn brysur iawn yn ddiweddar yn cymeryd rhan yng ngwersi barddol Dafydd Wyn o dan nawdd yr Academi ac Awel Aman/Tawe yn y Llyfrgell yn Rhydaman. Yr oedd y grŵp wrth ei bodd yn ymarfer y gwahanol fathau o’r Canu Rhydd. Cafwyd hwyl yn cyfansoddi darnau ar thema “Cynhesu’r Hinsawdd’ ar gyfer cystadleuaeth a hysbyswyd ar y Rhyngrwyd. Cafwyd ceisiadau di-ri o bob rhan o Gymru ac hefyd, yn wir, o’r byd yn yr Adran Saesneg gan ei fod dros y We. Yr oedd y Noson Wobrwyo ym Mhontardawe ar ddiwedd mis Chwefror yn hyfryd gan bod dau feirniad o fri yn traddodi ar y cyfansoddiadau sef Menna Elfyn a Gillian Clarke. Roedd yn bleser hefyd i wrando ar ddarlleniadau’r tiwtoriaid sef Susan Richardson a Dafydd Wyn fel enillydd Cymru o Wobr John Tripp. Hyfryd yw datgan bod dwy o’r dosbarth barddol wedi bod yn llwyddiannus sef Mair Wyn, Glanaman â’i cherdd ar yr “Arth Wen” a Glenys Kim Protheroe, Brynaman gyda’i cherdd am “Y Broydd Hyn”. Rhanodd y ddwy yma y drydedd wobr a chawsant flas ar ddarllen eu cerddi buddugol. Hefyd, cafodd Mel Morgan, Brynaman ei waith wedi ei argraffu mewn Detholiad arbennig o’r cerddi gorau. Yn y Categori Ieuenctid enillodd Adam Jones o Lanaman y Wobr Gyntaf. Llongyfarchiadau mawr i’r beirdd ar eu cerddi ac hefyd i Gareth Jones y Llyfrgellydd am ei gefnogaeth i’r dosbarthiadau yma a fyddant yn ail-gychwyn yn y dyfodol agos.

Eisteddfod Ysgol Gwaun Cae Gurwen

2011-05-04T22:51:00.000+01:00

Cynhaliwyd Eisteddfod Flynyddol yr ysgol eto eleni ar Ddydd Gwyl Dewi a chafwyd ddiwrnod arbennig. Roedd yna cystadlu brwd rhwng llysoedd yr ysgol a gwnaeth pawb berfformio’n arbennig o dda ar lwyfan yr ysgol. Prif lenor ac enillydd Cadair yr ysgol eleni oedd Hannah Leyshon o flwyddyn 6 ysgrifennodd stori greadigol yn deillio o chwedl Dwynwen. Diolchwn i bawb a gefnogodd y plant mewn unrhyw fodd ac yn enwedig i’n beirniaid am y diwrnod, Mrs Glenys Kim Protheroe (adrodd), Mr Wayne Pedrick (cerdd), Mrs Emma James (celf) a Mrs Ceri Jenkins (llenyddiaeth). Braf oedd gweld cymaint o rieni, perthnasau a ffrindiau’r ysgol wedi bwrw i mewn i fwynhau’r dathliadau gyda ni.

Clod i Cresci. Gwaun Cae Gurwen

2011-05-03T22:41:00.000+01:00

“Cwbl annisgwyl”oedd ymateb Mr Dai Cresci pan gafodd dystysgrif yn enwi Parlwr Hufen îa Cresci yn un o ddeg atyniad gorau o dan ‘Gorau’r Cymoedd’, ‘Valley Essentials Top 10’. Y nôd yw denu pobl i gael profiadau pleserus, a gwahanol yng nghymoedd y De. Llongyfarchiadau mawr i Barlwr Hufen îa croesawus Cresci.

MASNACH DEG RHYDAMAN

2011-05-03T22:37:00.000+01:00

Nos Wener 11 Mawrth, 2011 daeth criw da i'r Arcade i gymryd rhan yn y Banana Split Masnach Deg enfawr. Dyma'r trydydd flwyddyn i ni gynnal y banana split ac roedd eleni yn well nag un y llynedd.

I ddechrau roedd angen gosod y byrddau ar hyd yr arcade, yna y cafnau. Roedd angen leinio'r cafn gyda ffoil aliminiwm.

Wedi hyn daeth pobl ifanc y capeli a clybiau ieuenctid cristnogol y dref i dorri'r bananas a'u gosod ar hyd y cafn. Y peth nesaf i wneud oedd rhoi'r hufen ia, hufen a saws siocled ar y banana split.

Erbyn 6.15 roedd popeth yn barod i'w fwyta. Cafodd pawb lwy ac ar ol i Paul Griffiths ddweud ewch dechreuodd pawb i fwyta.

Yn ogystal roedd stondin yn gwerthu nwyddau ar gyfer diwrnod Y Trwynau Coch sydd i'w gynnal nos Wenere nesaf

Bedydd - Rhydaman

2011-04-30T23:57:00.000+01:00

Yn ystod Oedfa fore Sul Ionawr 30 yn Ngellimanwydd bedyddwyd Elan Wyn Jones, merch Nia a Gareth Jones, Tycroes. Yna yn oedfa deuluol bore dydd Sul Mawrth 13 bedyddwyd Ifan Wyn Jones, mab Nerys a John Jones, Hopkinstown, gynt o Waunfron, Y Betws.

Cafodd y ddau eu bedyddio gan Y Parchg Dyfrig Rees.

Mae Elan ac Ifan yn gefnder a chyfneither ac yn wyrion i Ann ac Wynford Jenkins, Rhodfa Brynmawr, Rhydaman. Dymunwn pob bendith I’r ddau fach

Priodas Aur - Betws

2011-04-29T21:07:00.000+01:00

Llongyfarchiadau mawr i Cecil ac Audrey Joens, Siop y Pentref ar ddathlu eu piodas Aur. Daw Cecil yn enedigol o Felindre ac Audrey o Maes Ty Clyd, Heol y Garn, Betws. Priodwyd Cecil ac Audrey yng Nghapel newydd ar Ebrill 1af 1961 a bendithwyd hwy a dau fab, Bleddyn a Cenwyn. Mae ganddynt nifer o wyrion ac yn cael amser hapus yn eu cwmni.
Dathlwyd yr achlysur gyda teulu a ffrindiau yng Nghlwb Rygbi'r Betws. Dymunwn pob bendith a iechyd iddynt wrth droedio tua'r diemwnt.

Dydd Gweddi Byd-eang y Chwiorydd - Tycroes

2011-04-29T16:53:00.001+01:00

Llun o waith llaw Norma Ulloa

Yn ôl ein harfer daeth nifer o wragedd o gapeli Bethesda, Caersalem, Moreia, Pisga ac Eglwys Sant Edmwnd, Tycroes ynghyd i gynnal oedfa arbennig Dydd Gweddi Byd-eang y Chwiorydd a hynny ym Moreia ar brynhawn Gwener, Mawrth 4ydd, 2011. Croesawyd y gwragedd gan Mrs. Eiry Davies. Mrs. Wynona Anthony oedd wrth yr organ.

‘Pa sawl torth sydd gennych?’ oedd testun y gwasanaeth a’r rhaglen wedi ei pharatoi gan wragedd gwlad

Chile

. Cafwyd yn gyntaf fraslun o’r wlad – ei daearyddiaeth, ei hanes, ei thraddodiadau a’i chrefydd. Gwlad yn ymestyn am 2,640 o filltiroedd ar arfordir y Môr Tawel ar gyfandir De

America

yw. Diddorol oedd clywed bod

Chile

yn wlad o wrthgyferbyniadau – mynyddoedd yr Andes, dyffrynnoedd ffrwythlon, llynnoedd a fforestydd trofannol, llosg fynyddoedd, mynyddoedd ia a hefyd darn o anialwch mawr. O ganlyniad mae’n gyfoethog yn ei hadnoddau naturiol, e.e., gwlad

Chile

yw prif gynhyrchydd copr y byd. Mae’n allforio bwydydd, gwinoedd, coed a nwyddau i’r holl fyd. Eto, er yr holl gyfoeth, mae 12% o’i phoblogaeth yn dlodion ac yn eu mysg plant, yr hen oed a gwragedd. Gwelir hefyd bod afonydd y wlad wedi eu llygru â chemegau a bod cwmwl o ‘smog’ yn hofran uwchben ei phrifddinas Santiago.

Oherwydd y tlodi daeth rhai o wragedd

Chile

ynghyd yn 1970 i geisio ennill ychydig o arian drwy wneud gwaith llaw – gwau, crochet a brodwaith. Aeth hyn o nerth i nerth a dywedir gan un o’r gwragedd bod ei henillion hi wedi galluogi ei phum plentyn ac un ŵyr ddilyn cwrs addysg bellach.

Ymysg y gwragedd oedd Norma Ulloa, gwraig dalentog. Gofynnwyd iddi lunio a chwblhau gwaith llaw arbennig. A gwelir llun o’i gwaith ar glawr y rhaglen. Cyn cychwyn ar ei thasg bu Norma yn myfyrio’r Gair ac yn edrych o’i chwmpas am ysbrydoliaeth. Yn y campwaith gwelir y Crist yn gweddïo yng Ngardd Gethsemane a’r disgyblion yn cysgu’n drwm. Mewn rhan arall gwelir y Crist yn gwella’r cleifion. Yna, ar y gwaelod dwy olygfa gyffredin i Norma sef cae o ŷd melyn yn symud yn yr awel ac yna ceffylau yn dyrnu’r ŷd. Yn olaf yn y canol gwelir yr Iesu â’r bump torth haidd a dau bysgodyn – sef testun y gwasanaeth.

Yn anffodus, yn dilyn y ddeargryn fawr yn

Chile

yn 2010 bu farw Norma o glefyd y galon. Drwy wrando ar nifer o ddarlleniadau Beiblaidd a gweddïau daethom i gyd i sylweddoli beth oedd amcan a phwrpas y cwestiwn ‘Pa sawl torth sydd gennych?’ Gofyna’r Efengyl i ni fel unigolion weld yr angen sydd yn y byd a mwy na hynny, gweithredu er lleddfu poen a thlodi.

Eleni eto cawsom fendith o ddod at ein gilydd ac i uniaethu ein hunain â gwragedd

Chile

Cwrdd y Senana - Tycroes

2011-04-29T13:50:00.000+01:00

Miss Ruth Bevan

Nos Iau, Mawrth 10fed death nifer o wragedd Eglwysi Bedyddiedig Adran Rhydaman ynghyd i gapel Bethesda, Tycroes. Llywyddwyd gan Mrs. Dawn Richards, Llanedi. Y siaradwraig wadd oedd Miss Ruth Bevan, Rhydaman.
Mrs. Maud a Mrs. Ray Jones, Bethesda gymerodd at y rhannau arweiniol gan greu naws hyfryd i’r oedfa. Yn anffodus, oherwydd anhwylder, methodd Mrs. Eilir Watkins, yr ysgrifennydd ac organydd Bethesda, fod yn bresennol. Ond fe ddaeth y Parch. John Talfryn Jones i’r adwy gan groesawu’r chwiorydd i Fethesda a chyfeilio ar yr organ. Mawr yw ein dyled iddo am ei barodrwydd i’n cynorthwyo bob amser.
Coffawyd am y galarwyr drwy weddi fer a chanwyd yr emyn ‘Einir’. Cyflwynodd y llywydd y siaradwraig Ruth Bevan gan gyfeirio at ei amrywiol dalentau fel cyn-brifathrawes ac hefyd ei chyfraniad at wasanaeth yr Eglwys.
Soniodd yn gyntaf am rôl y gwragedd yng ngwaith yr Efengyl gan gyfeirio at nifer o enghreifftiau o wragedd da a drwg a geir yn y Beibl. Yna cododd destun o’r darlleniad agoriadol sef hanes y wraig a dorrodd y blwch ennaint dros yr Iesu. Er i rhai feirniadu’r weithred fel act gostus a gwastraffus gwelodd yr Iesu hi fel gweithred dda gan ddweud y byddai llawer yn sôn am y weithred hon ar hyd yr oesoedd ac ar draws y byd i gyd. I Ruth roedd hon yn fwy na gweithred dda, yn wir roedd yn weithred brydferth. Cafodd yr anerchiad dderbyniad gwresog gan y gynulleidfa a phawb wedi teimlo mae da oedd bod yno.
Terfynwyd gyda’r diolchiadau gan Mrs. Mary Rees ac roedd pawb yn unfrydol unfarn ein bod wedi cael bendith fawr yn yr oedfa.

Bydd y cwrdd nesaf o’r Senana yng Nghapel Amor, Llanfynydd ym mis Mehefin.

Cwis Chwaraeon Trawsffiniol - Brynaman

2011-04-25T19:47:00.000+01:00

Trefnwyd cwis chwaraeon ar y cyd rhwng Menter Bro Dinefwr a Menter Iaith Castell Nedd Port Talbot ar 10 Mawrth yng Nghlwb Rygbi Brynaman. Alun Wyn Bevan, y sylwebydd enwog yn wreiddiol o Frynaman oedd cwisfeistr y noson. Braf oedd gweld nifer o dimoedd yn cystadlu. Llongyfarchiadau i’r tim buddugol sef tim o glwb golff Garnant. Diolch i bawb am eu cefnogaeth, ac edrychwn ymlaen i cwis chwaraeon trawsffiniol 2012

Cerdded â thrwynau coch!!!

2011-04-23T09:36:00.000+01:00

Efallai i rai o’n darllenwyr gael sioc ar brynhawn Gwener, 18 Mawrth, os gweloch chi bedwar person wedi eu gwisgo mewn coch gwyn a du a chanddynt bobi drwyn coch, yn rhedeg ar hyd y ffordd o’r Ganolfan lawr drwy’r cwm i gyfeiriad Rhydaman. Roedd Scott, Eleri, Ffion a Siân wedi cael eu noddi i redeg Frynaman i Rydaman ar ddiwrnod Trwynau Coch. Roedd y dechrau’n hawdd - rhedeg lawr y dyffryn - ond o..o..o y sioc o sylweddoli, ar ddiwedd y 6 milltir, y byddai rhaid iddyn nhw gerdded bob cam yn ôl hefyd!!!

Diolch byth – dim ond tynnu coes oedd y sawl a ddywedodd hynny wrthyn nhw a chwarae teg i’r pedwar dewr, fe godon nhw gyfanswm o £500 at yr elusen.

Caffi Hoffi Coffi

2011-04-21T21:18:00.000+01:00

Ar ddydd Iau 17 Mawrth 2001 roedd y newyddiadurwr teledu, a’r cyflwynydd Huw Edwards, yn cwrdd â Chyfarwyddwr newydd Academi Hywel Teifi, ac yn agor Hoffi Coffi yn swyddogol.

Mae’r caffi newydd yn fan cyfarfod newydd i ddysgwyr a siaradwyr Cymraeg ar gampws Prifysgol Abertawe, ac yn lle iddyn nhw gymdeithasu a chwrdd yn ddyddiol.

Er cof annwyl am ei dad, Hywel Teifi, bydd Huw yn dadorchuddio murlun o awdl fuddugol yr Athro Tudur Hallam, o Adran y Gymraeg Prifysgol Abertawe, a enillodd Gadair Eisteddfod Genedlaethol 2010.

Mae’r fenter hon yn cefnogi amcanion Academi Hywel Teifi - a enwyd ar ôl Yr Athro Hywel Teifi Edwards a dreuliodd ei yrfa academaidd ym Mhrifysgol Abertawe - i hyrwyddo addysg cyfrwng Cymraeg, ymchwil amlddisgyblaethol gan hybu cydweithio, mentergarwch a chreu cyfleoedd trwy gyfrwng y Gymraeg.

Chweched Dosbarth Hael

2011-04-20T10:52:00.000+01:00

Stephanie, Tomos, Joseff ac Elen ar ran prif swyddogion Ysgol Dyffryn Aman yn cyflwyno siec o £200 i Mr Peter Comley ar ran Apel 'Race for Jake' gyda'r arian yn mynd tuag at ymchwil i Duchenne Muscular Dystrophy. Codwyd yr arian mewn casgliad yn y Gwasanaeth Carolau a gweithgareddau Chweched Dosbarth.

Stephanie a Ffion - dwy o brif swyddogion Ysgol Dyffryn Aman yn cyflwyno siec o £200 i Mr Phil Thomas Ty Hafan. Codwyd yr arian yng Nghinio Dawns y Chweched Dosbarth.

COGYDD Y DYFODOL CYMRU (FUTURE CHEF)

2011-04-19T12:03:00.000+01:00

Llongyfarchiadau mawr i Steffan Davies, Parc y Llan, Llandybie ar ennill cystadleuaeth FutureChef Cymru 2011 yng Nghastell Nedd. Wrth ennill y gystadleuaeth roedd Steffan yn mynd i'r rownd Genedlaethol Brydeinig i gynrychioli Cymru a chafodd ei chynnal ar 21 Mawrth yng Ngholeg Kingsway, Westminster.

Coginodd Steffan mecryll wedi ei ffrio gyda chacen bysgod coley a chorgimwch ar wely o jam chili, ac i ddilyn brownie siocled a chnau gyda hufen toffi.

Mae Steffan yn ddisgybl ym mlwyddyn 12 yn astudio Lefel A yn Tregib, Llandeilo.

Eleni gwelwyd record o ran yr ysgolion a gofrestrodd ar gyfer cystadleuaeth "FutureChef". Roedd 739 ysgol a 7897 o fyfyrwyr yn cystadlu. Yr ennillydd wedi cystadleuaeth agos o safon uchel oedd Jessica Higgins o Bromsgrove.

Neuadd y Pentre, Garnswllt

2011-04-19T11:50:00.000+01:00

Roedd Nos Wener 11 Mawrth yn Noson Agored yn y Neuadd. Rhoddodd y Cyng Alun Lewis fras-ddarlun o hanes codi'r neuadd. Cynhaliwyd y cyfarfod cyntaf yn yr awyr agored yn 1947 ac wedyn yn Festri Capel Noddfa.

Y neuad dyn unig adeiladwyd ar y cychwyn, yna adeiladwyd cegin, ystafelloedd eraill a chawodfa. Roedd tim y Cathan Stars a chlybiau eraill yn ei ddefnyddio.

Hyfryd oedd gweld Emyr Davies yn bresennol, oherwydd bu ei dadcu yn un o'r bobl prysur a frwydrodd yn gryf i gael neuadd yn Garnswllt. Cofiwn hefyd am ein cyndadau a fu yn rHoi arian allan o'u cyflog yn y gwaith glo tuag at y neuadd. Ar y diwrnod yr agorwyd y neuadd claddwyd tadcu Emyr, felly roedd yn ddiwrnod cymysg o hapusrwydd a thristwch.

Ysgol y Bedol

2011-04-18T11:13:00.000+01:00

Yn y llun gwelir Jonathan gyda’i gadair hardd ac hefyd y ddau Dywysydd sef Georgette Dorritt ac Adam Thorne.

Cynhaliwyd Eisteddfod Gwyl Dewi lwyddiannus iawn yn yr Ysgol ar Fawrth y Cyntaf gyda’r disgyblion yn cymeryd rhan wrth ganu a llefaru yn unigol ac mewn corau a bu llu ohonynt hefyd yn cystadlu ar y gwaith cartref. Yr oedd y plant wedi cael eu paratoi yn drwyadl ac fe fu sawl un ohonynt fel unigolion ac aelodau o’r Côr wedyn yn cystadlu yn Eisteddfod Gylch yr Urdd yn Rhydaman. Cafwyd hwyl arbennig wrth gymeryd rhan a llongyfarchwn bawb a wnaeth ei gorau glas i fod yn rhan o’r gweithgareddau. Diolch yn fawr i Mrs Donna Williams a holl athrawon yr ysgol am eu paratoi ac i’r ddau arweinydd sef Gareth James a Phil Bowen. Wrth fwrdd y beirniad eleni roedd Marjorie Rodgers, Marlene Thomas a Mair Wyn. Pinacl y dydd oedd y cadeirio dan ofal Mari Jones ac fe gafwyd teilyngdod. Yr enillydd eleni oedd bachgen am y tro cyntaf yn hanes cadeirio Ysgol y Bedol sef Jonathan Williams a chafwyd clod go uchel am ei waith arbennig i’r gystadleuaeth.

Cymorth Cristnogol Cwmaman

2011-04-18T11:07:00.002+01:00

Daw mis Mai eleni eto a bydd yn amser i bawb ohonom feddwl sut y gallwn gefnogi Cymorth Cristnogol. Mae’r pwyllgor lleol yn y Cwm yn llawn syniadau am godi arian ac yn gofyn yn daer i drigolion Cwmaman eu helpu unwaith yn rhagor. Bydd yr wythnos yn cychwyn ar yr 8^fed o Fai gyda’r Gwasanaeth Cymorth Cristnogol agoriadol yn cymeryd lle yng Nghapel Bethesda, Glanaman ac yn dilyn bydd yno wythnos llawn gweithgareddau. Felly o’r 8^fed hyd at y 15^ed o Fai bydd hon yn Wythnos bwysig iawnn a cheir mwy o fanylion yng Nglo Mân mis Mai. Dymuna’r pwyllgor ddiolch i bawb am eu cefnogaeth ar hyd yr amser, ac maent yn siwr y bydd pobl Cwmaman yn gwneud eu gorau glas unwaith yn rhagor i helpu’r bobl hynny sydd yn llai ffodus na ni.

‘Bytes i’w Blasu’

2011-04-12T22:03:00.000+01:00

Cynhaliwyd cystadleuaeth ffotograffig i aelodau’r grŵp yn ddiweddar. Fe’i trefnwyd gan Mr Allan Frost, - ffotograffydd proffesiynol o ‘Ajay Photography’. Thema’r gystadleuaeth oedd ‘Oerfel’, a dyfarnwyd Mr Morlais Pugh yn fuddugol, Mr Nolan Williams yn ail a Mr Meirion Hopkins yn drydydd. Llongyfarchiadau i’r tri. Mae ‘Bytes i’w Blasu’ yn cwrdd ar ddydd Llun a dydd Iau am awr o hyfforddiant, - un i un, yng nghanolfan Y Maerdy yn Nhai’rgwaith. Croeso i chi alw heibio am sgwrs, ac mae ambell le ar gael o hyd.

Rhif ffôn y Canolfan y Maerdy yw: 01269 826893.

Merched y Wawr Cangen GwaunGors

2011-04-12T22:00:00.002+01:00

Croesawyd yr aelodau yn gynnes i gyfarfod arbennig ar Chwefror 21ain, gan ein Llywydd Mrs Bethan Williams, a phleser mawr iddi oedd croesawu aelod newydd atom sef Mrs Sandra Rees. Cafwyd munud o dawelwch i gofio am un o’n haelodau sef y ddiweddar Mrs Betty Roderick Davies Cawsom noson i gofio am Ddewi Sant ac i ddathlu ein Cymreictod. Diolch i Bethan am baratoi gwasanaeth byr a phwrpasol â rhai o’r aelodau yn cymryd rhan. Diolch hefyd i’r aelodau am baratoi lluniaeth â blas Cymreig, wrth gwrs!Cafwyd noson lwyddiannus iawn.

Yna ar Fawrth 1af aethom i gael pryd o fwyd i westy’r ‘Dyffryn’ i ddathlu dydd ein Nawdd Sant. Diolch yn fawr iawn i Mrs Pamela Jones am wneud y trefniadau

Hen-oed

2011-04-12T21:59:00.002+01:00

Cafwyd noson wrth fodd yr aelodau ar yr ail Fawrth, pan ddaeth disgyblion yr ysgol Gynradd i ddiddanu. Cyflwynwyd y plant yn fedrus iawn gan Mrs Sandra Rees. Cawsom amrywiaeth o eitemau ganddynt unigolion yn canu, a chanu mewn côr llefaru, chwarae offerynnau, a dawnsio disgo egniol iawn. Gwledd i’r glust a’r llygaid. a llawer o’r plant wedi taclu ar gyfer Dydd Gŵyl Ddewi Diolch yn fawr i bawb o’r Prif Athro Mr K. Morgan, Mrs Rees y cyfeilyddion a’r cynorthwyr dosbarth a’r plant wrth gwrs, ynghŷd â’u rhieni a mamau a thadau -cu Daeth y noson i ben drwy ganu Hen Wlad Fy Nhadau. Melys moes mwy

Cwrdd Teuluol Gellimanwydd

2011-04-11T22:48:00.000+01:00

Cariad oedd testun yr Oedfa Deuluol bore Dydd Sul 13 Mawrth. Hyfryd oedd gweld y plant yn gwneud eu rhannau mor dda. Yn wir roedd nifer ohonynt yn cymryd rhannau blaenllaw am y tro cyntaf a phob un mor broffesiynol.

Mrs Catrin Llywelyn, un o athrawon Ysgol Sul y Neuadd, oedd yn gyfrifol am y gwasanaeth.

Wedi'r oedfa cawsom gyfle i gymdeithasu drwy rannu cwpanaid o de yn y Neuadd.

Yn yr hwyr aeth aelodau Gellimanwydd draw i Gyrddau Pregethu'r Gwynfryn ble roedd y Parchg Ddr Geraint Tudur yn pregethu