TÎM RYGBI TYCROES – PENCAMPWYR

 

Steve Roach, capten Tycroes yn derbyn Tlws Pencampwyr Cynghrair Cenedlaethol SWALEC Adran 4 Y Gorllewin oddi wrth Brian Fowler, cynrychiolydd y WRU

Tycroes yw pencampwyr Cynghrair Cenedlaethol SWALEC Adran 4 y Gorllewin eleni ac fe rhoddwyd sêl ar y bencampwriaeth gyda buddugoliaeth o 67 pwynt i ddim yng ngêm ola’r tymor yn erbyn Neyland sydd ar waelod y tabl. Mae wedi bod yn dymor arbennig gan golli dim ond un gêm yn unig. Fe aeth y ras am sgoriwr ucha’r tymor ymlaen tan y gêm olaf gyda’r bachwr  Richie Williams yn fuddugol ar ôl scorio 15 cais.

Dywedodd Aled Griffiths, y prif hyfforddwr, bod y ffaith bod y clwb wedi cael dyrchafiad am ddau dymor yn olynnol yn hwb enfawr a’u bod yn awr yn adeiladu tîm fydd yn gymysgedd o ieuenctid a chwaraewyr hŷn a phrofiadol a fydd yn abl i gystadlu yn y drydedd adran y tymor nesaf. Diolchodd hefyd i’r cefnogwyr am eu cefnogaeth yn wythnosol – cartref ac oddi cartref.

Ychwanegodd capten Tycroes, Stephen Roach, bod y daith dros y ddau dymor olaf wedi bod yn un arbennig. Dwy flynedd yn ôl roeddent yn methu ennill gêm ond nawr gydag hyfforddiant disgybledig y maent wedi cael dau ddyrchafiad yn olynnol. Mae’r tîm wedi gweithio’n galed ac wedi rhoddi cant y cant o wythnos i wythnos.

Llongyfarchiadau a phob llwyddiant yn y drydedd adran.