Penblwydd yn 90 oed

Dymuniadau gorau i Mrs Olwen Walters, Heol y Barri, a ddathlodd ei phenblwydd yn 90 yn ddiweddar. Un o blant Brynaman yw Mrs Walters ac ar wahân i ychydig o flynyddoedd yn y Garnant yn y chwedegau ym Mrynaman y bu ar hyd ei hoes. Mae’n aelod ffyddlon o gapel Hermon a hefyd o’r Ysgol Sul lle’i gelwir yn “Oly” gan y plant! Ychydig o flynyddoedd yn ôl fe gyflwynwyd iddi Fedal Gee fel cydnabyddiaeth o’i ffyddlondeb i’r Ysgol Sul dros gyfnod maith. Dymunwn yn dda iddi i’r dyfodol.