Roedd plant ysgol y Waun yn fisi iawn yn ystod tymor y Nadolig. Dyma rai o'r uchafbwyntiau -
Cynhadledd Cyngor
Ysgol
Cafodd blant cyngor ysgol y cyfle i fynychu cynhadledd
PENTAN ar gyfer pwyllgorau cyngor ysgol gydag holl ysgolion Cymraeg Castell
Nedd Port Talbot. Roedd y diwrnod yn un dda wrth drafod a gwneud penderfyniadau
a dysgu am faterion gwrth-fwlio.
Gwasanaeth
Diolchgarwch
Cynhaliwyd y gwasanaeth diolchgarwch blynyddol yr ysgol eleni
yng Nghapel Carmel yn y pentref. Llwyddiant mawr y bu eto wrth i’r plant casglu
tiniau o fwyd ar gyfer gwledydd yn nwyrain Ewrop. Derbyniodd yr ysgol anrheg
wrth un teulu am ymdrechion yr ysgol ar hyd y blynyddoedd tuag at yr elusen
hon.
Diolchwn i Mrs Val Newton am drefnu’r elusen unwaith eto i
ni..
Plant Mewn Angen
Ar Ddydd Gwener Tachwedd 16eg, gwnaeth holl blant a staff yr
ysgol gwisgo smotiau lliwgar neu byjamas er mwyn codi arian ar gyfer elusen
Plant Mewn Angen. Codwyd dros £150 tuag at yr elusen hon. Da iawn plant!
No comments:
Post a Comment