Priodas Aur

Llongyfarchiadau i Eurfil a Rhiannon Davies, Heol Blaenau ar ddathlu eu Priodas Aur yn ddiweddar. Daeth nifer o’u perthnasau a’u ffrindiau ynghyd i Fwyty’r Valans i ddathlu’r diwrnod arbennig ac i ddymuno’n dda iddynt.
Mae’r ddau wedi bod yn aelodau selog yn Sion ar hyd eu hoes ac mae eu cyfraniad tuag at weithgarwch “Pryd ar Glyd” o gylch y pentref wedi bod yn amhrisadwy. Dymuniadau gorau i’r ddau ar gyrraedd y fath garreg filltir a dymunwn y cânt iechyd i fwynhau degawdau eto yng nghwmni ei gilydd.