CYMDEITHAS YR HENOED

Mae gwrando ar leisiau côr meibion bob amser at ddant aelodau’r gymdeithas. Dyna a gafwyd nos Fercher 1af o fis Hydref pan ddaeth Côr Meibion y Gyrlais i ddiddannu’r aelodau. Croesawyd hwy yn gynnes gan y Llywydd Mr Morlais Pugh. Diolchodd Mr Clive Rowlands (go brin fod eisiau ychwanegu Cwmtwrch!) am y gwahoddiad. Cyflwynodd y cyfarwyddwr cerdd Mr Richard John o Gastell Nedd a Francesca Mungovin y gyfeilyddes o Iwerddon, a’r côr. Cawsom amrywiaeth dda o ganeuon ac emynau. Rhwng yr eitemau gan y côr bu Clive Rowlands yn adrodd storiau am Gwmtwrch, gyda’i frwdfrydedd arferol! Canwyd ein hanthem Genedlaethol i ddod a
noson bleserus i ben.