Cymorth Cristnogol Cwmaman

Daw mis Mai cyn bo hir eleni eto a bydd hi’n amser i bawb ohonom feddwl sut y gallwn gefnogi Cymorth Cristnogol.  Mae’r pwyllgor lleol yn y Cwm yn llawn syniadau am godi arian ac yn gofyn yn daer i drigolion Cwmaman eu helpu unwaith yn rhagor. Bydd y dyddiadau pwysig yn rhifyn mis Mai o Glo Mân.. Dymuna’r pwyllgor ddiolch i bawb am eu cefnogaeth ar hyd y flwyddyn, ac  maent yn siwr y bydd pobl Cwmaman yn gwneud eu gorau glas unwaith yn rhagor i helpu’r bobl hynny sydd yn llai ffodus na ni.