Cwis Chwaraeon

Nos Iau, Mawrth 21ain, yng Nghlwb Rygbi Brynaman, cynhaliwyd  y Cwis Chwaraeon blynyddol ar y cyd rhwng  Mentrau Iaith Castell-nedd Port Talbot a Dinefwr. Y cwisfeistr eleni oedd Edwyn Williams, Rhydaman, ac roedd llawer o ganmol  ar gynnwys  a natur y cwis.                                                                                                                        Dechreuwyd y noson gyda phlatiaid o gyri reis a sglodion, wedi ei baratoi gan Lucy yn y Clwb Rygbi. Rhoddodd hyn  nerth i’r  cystadleuwyr!                                                                  Bu rhyw wyth tîm wrthi’n ddyfal  yn ateb y cwestiynau ac ar ddiwedd y noson roedd dau dîm yn gyfartal- Clwb Rygbi’r Aman ac un o dimau  Clwb Rygbi Brynaman. Yn wir, bu rhaid gofyn dau gwestiwn datglwm cyn cael enillwyr, a’r rhai llwyddiannus oedd  y tîm cartre. Llongyfarchiadau! Dyma lun ohonynt gyda’r cwisfeistr.