Ysgol Brynaman

Dros y deuddeg mis diwethaf, mae’r clwb eco wedi rhoi gweddnewidiad llwyr i dir yr ysgol ac yn bennaf i’r gerddi.  Er mwyn ennill statws Ysgolion Eco am y drydedd tro, bu’n rhaid i’r clwb eco, yn ogystal â phlant o bob blwyddyn gydweithio i newid gerddi’r ysgol.  Plannwyd bob math o berlysiau, hadau a phlanhigion ac fe ddysgwyd llu o wybodaeth am gylch bywyd, pwysigrwydd a rhannau’r planhigion.  Ceir gwahanol thema o fewn pob llain sy’n amrywio o’r oes Fictoria, yr Ail Ryfel Byd, y Tuduriaid a’r Rhufeiniaid.  Penderfynwyd plannu llysiau yn nhŷ gwydr yr ysgol er mwyn eu rhoi i staff y gegin i ddefnyddio ym mwydydd y plant.  Bu’r holl broses yn llwyddiannus ac fe dderbyniwyd yr ysgol y drydedd faner werdd.  Ar ôl ennill statws y faner werdd am y drydedd tro, mae’r clwb eco yn edrych ymlaen am y wobr platinwm nesaf mewn dwy flynedd.