Hydref yn Henffordd

Cafodd Côr Meibion Llandybie a’u ffrindiau benwythnos i’w gofio yn y Gororau ddiwedd mis Hydref. Gyda thywydd hydrefol hyfryd, a’r wlad yn edrych ar ei gorau yng ngwisg yr Hydref ‘doedd dim esgus i beidio â mwynhau. Yr oedd y Côr yn aros mewn gwesty moethus ar gyrion Henffordd yng nghanol perllannau â oedd yn plygu i’r llawr o dan bwysau ffrwythau’r cynhaeaf.
Ymwelodd y Côr â dinas Henffordd ac un o drefi mwyaf prydferth Prydain, sef Llwydlo. Hyfryd oedd gweld pawb yn mwynhau y gwmniaeth a rhaid diolch yn fawr i Mr Albert Davies, Rhydaman am drefnu’r cwbl.